હરિયાણાઃ કુંડલી માનેસર પલવલ એક્સપ્રેસ વે પર શ્રદ્ધાળુઓથી ભરેલી બસમાં આગ લાગી હતી. આ અકસ્માતમાં બસમાં મુસાફરી કરી રહેલા 8 લોકો જીવતા બળીને મોતને ભેટ્યાં હતા. જ્યારે 24થી વધુ લોકો ખરાબ રીતે દાઝી ગયા છે. બસમાં કુલ 60 લોકો સવાર હતા. ઘાયલ લોકોને અલગ-અલગ હોસ્પિટલમાં દાખલ કરવામાં આવ્યાં છે.
ચાલતી બસમાં આગની જ્વાળાઓ જોઈને સ્થાનિક લોકોએ આગ ઓલવવાનો પ્રયાસ કર્યો હતો, તાત્કાલિક પોલીસને જાણ કરી હતી. જે બાદ ફાયર બ્રિગેડની ટીમે ઘટના સ્થળે પહોંચીને આગ પર કાબૂ મેળવ્યો હતો. અકસ્માતનો ભોગ બનેલા લોકો પંજાબ અને ચંદીગઢના રહેવાસી છે. જેઓ મથુરા અને વૃંદાવનની મુલાકાત લઈને પરત ફરી રહ્યાં હતા. પોલીસે કાર્યવાહી શરૂ કરી છે.
બસમાં સવાર તમામ લોકો નજીકના સગા હતા
શ્રદ્ધાળુઓ પ્રવાસી બસ ભાડે કરીને બનારસ અને મથુરા-વૃંદાવન દર્શન માટે નીકળ્યાં હતા. બસમાં 60 લોકો સવાર હતા. બધા નજીકના સગા હતા. જેઓ પંજાબના લુધિયાણા, હોશિયારપુર અને ચંદીગઢના રહેવાસી હતા. શુક્રવાર-શનિવારે રાત્રે દર્શન કરીને પરત ફરી રહ્યાં હતા. રાત્રે દોઢ વાગ્યાની આસપાસ બસમાં આગની જ્વાળાઓ જોવા મળી હતી.
બસ આગની જ્વાળાઓમાં લપેટાઇ ગઇ હતી
મદદ માટે સ્થળ પર પહોંચેલા ગ્રામવાસીઓએ જણાવ્યું કે રાત્રે લગભગ 1:30 વાગ્યે તેઓએ ચાલતી બસમાં જ્વાળાઓ જોઈ હતી. તેમને બૂમો પાડીને ડ્રાઈવરને બસ રોકવા કહ્યું હતુ, પણ બસ ઉભી ન રહી. ત્યારબાદ એક મોટરસાઇકલ સવાર યુવકે બસનો પીછો કરીને ડ્રાઇવરને આગ અંગે જાણ કરી હતી. ત્યારબાદ બસ ઉભી રહી હતી, પરંતુ ત્યાં સુધીમાં બસમાં લાગેલી આગ ખૂબ જ વિકરાળ બની ગઈ હતી. ગ્રામજનોએ આગ ઓલવવાનો પ્રયાસ કર્યો હતો. પોલીસ અને ફાયર બ્રિગેડની ગાડીઓ થોડા જ સમયમાં ત્યાં પહોંચી ગઇ હતી. ત્યાં સુધીમાં બસમાં મુસાફરી કરી રહેલા લોકો ખરાબ રીતે દાઝી ગયા હતા. જેમાંથી 8 લોકોનાં મોત થયા હતા. તાવડુ સદર પોલીસે એમ્બ્યુલન્સ બોલાવીને ઘાયલોને હોસ્પિટલમાં ખસેડ્યાં હતા. હાલ મૃતકોની ઓળખ થઈ નથી. આ મામલે પોલીસે તપાસ હાથ ધરી છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
Starliner Landed: સુનીતા વિલિયમ્સને લીધા વગર જ ધરતી પર આવ્યું સ્ટારલાઇનર- Gujarat Post | 2024-09-07 14:22:08
Rajkot News: રાજકોટમાં રજૂઆત કરવા આવેલા ભાજપના જ નેતાને પાટીલથી રખાયા દૂર, બહારથી જ રવાના કરી દેવામાં આવ્યાં- Gujarat Post | 2024-09-07 14:04:47
Crime News: બર્થ ડે પાર્ટીમાં યુવતીને પીવડાવ્યું નશીલું લીંબુ પાણી અને પછી...Gujarat Post | 2024-09-07 14:00:41
રાજકોટમાં Acb એ રૂ.10 લાખની લાંચનો કર્યો પર્દાફાશ, મહારાષ્ટ્રના એક પીઆઇ વતી લાંચ લેનારો ઝડપાયો | 2024-09-06 21:46:39
200 કિલો નશાનો સામાન જપ્ત, અમદાવાદમાં વટવા જીઆઇડીસીમાંથી ગાંજા સાથે 7 લોકો ઝડપાયા | 2024-09-06 16:51:19
રક્ષામંત્રી રાજનાથસિંહનું મોટું નિવેદન, ભારતીય સેનાએ યુદ્ધ માટે તૈયાર રહેવું જોઇએ | 2024-09-06 13:23:53
દેશમાં આ રાજ્યમાં સરકારે ડેન્ગ્યુને મહામારી કરી જાહેર, મચ્છરનો ઉપદ્રવ જોવા મળશે તો થશે આટલો દંડ- Gujarat Post | 2024-09-04 08:30:44
બહરાઇચમાં વધુ બે બાળકો વરૂનો શિકાર બનતાં બચ્યાં, 35 ગામોમાં ફફડાટ- Gujarat Post | 2024-09-03 10:42:14
માનવભક્ષી વરૂનો આતંક....બહરાઇચમાં 2 વર્ષની બાળકીને ફાડી ખાધી, મહિલાને ઘાયલ કરી- Gujarat Post | 2024-09-02 09:58:45
યુક્રેન સાથે શાંતિ વાટાઘાટોને લઈને રશિયાના રાષ્ટ્રપતિ પુતિનનું મોટું નિવેદન, ભારતનું નામ લઈને કહી આ વાત | 2024-09-05 15:36:32
અમેરિકાના ટેક્સાસમાં માર્ગ અકસ્માતમાં 4 ભારતીયોનાં મોત, 5 ગાડી એકબીજા સાથે અથડાઇ હતી | 2024-09-04 16:04:19