Kheda News: ભાજપના નેતાઓ અને કાર્યકરોને કાયદાનો ડર જ નથી. ભાજપના સભ્ય બની ગયા એટલે કોઈ તેમનું કંઇ બગાડી શકશે નહીં તેવું તેમને લાગી રહ્યું છે. હવે રાજસ્થાનથી દારૂનો જથ્થો ભરીને આવેલી કારનું ગળતેશ્વર પાસે પાઇલોટિંગ કરનારા ઝડપાયા છે. ડેસર તાલુકાના વરસડા ગામના ખેડા જિલ્લાના ભાજપ યુવા મોરચાના મંત્રી સહિત ચાર શખ્સોને પોલીસે ઝડપી પાડ્યા છે. પોલીસે કુલ રૂપિયા 4.64 લાખનો મુદ્દામાલ જપ્ત કર્યો છે.
ડેસર પોલીસને બાતમી મળી હતી કે દારૂની પેટીઓ ભરેલી ગાડી ગળતેશ્વર બ્રિજથી પસાર થઇ હતી અને વરસડા ગામની સીમમાં મહી નદીના કોતરોમાં દારૂ ખાલી કરાઇ રહ્યો છે. જેથી રાત્રે પોલીસે વરસડા ક્વોરી આવાસ નજીક કોતરોમાં જઇને તપાસ કરતાં એક ગ્રે કલરની ખેડા પાસિંગની બલેનો કાર જણાઇ હતી. આ કારમાં ત્રણ શખ્સો હતા, જેમની પૂછપરછમાં સામે આવ્યું કે સફેદ રંગની દારૂ ભરેલી કારનું પાઇલોટિંગ કરીને તેઓ આવ્યાં હતા, મહી નદીના કોતરોમાં દારૂ ઉતારીને રૂપિયા લેવા માટે ઊભા હતા.
પોલીસે ત્રણેયને સાથે રાખી કોતરોમાં તપાસ કરતાં 1.42 લાખ કિંમતના 1143 બીયરના ટીન અને દારૂ મળ્યો હતો. આરોપીઓનાં નામ ઇશ્વર મોહનભાઇ પરમાર, અલ્પેશ રમણભાઇ સોલંકી, મહેશ ઉર્ફે અજય જેણાભાઇ પરમાર જાણવા મળ્યું હતું. રાજસ્થાનના છાપરીયાથી દિપુરાજ નામનો શખ્સ કારમાં દારૂ લઇને ગળતેશ્વર આવ્યો હતો અને તેમનો સંપર્ક કરીને દારૂ ભરેલી કારનું પાઇલોટિંગ કરીને આ જથ્થો વરસડા ગામના નવઘણ ભરવાડને આપવાનો હતો.
ડેસર પોલીસના હાથે ઝડપાયેલો ઇશ્વર પરમાર ખેડા જિલ્લા યુવા મોરચાનો મંત્રી છે. દારૂના કેસમાં તેનું નામ ખૂલતા ખેડા જિલ્લા ભાજપ પ્રમુખે તેને તમામ હોદ્દાઓ પરથી સસ્પેન્ડ કરી દીધો છે. ઉપરાંત અગાઉ ગુજરાત ક્ષત્રિય ઠાકોર સેનામાં પણ હતો પરંતુ ઠાકોર સેનાના પ્રમુખે તેને તા.5 સપ્ટેમ્બરના રોજ ઠાકોર સેનાના તમામ હોદ્દાઓ પરથી દૂર કરી દીધો હતો.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
દેશમાં વન નેશન, વન ઇલેક્શન મંજૂર: 191 દિવસમાં તૈયાર કરાયેલા રિપોર્ટમાં આપવામાં આવ્યાં છે આ સૂચનો | 2024-09-18 18:57:23
ડસ્ટબિનમાંથી મળ્યું અંદાજે 56 લાખ રૂપિયાનું સોનુ, અમદાવાદ ઇન્ટરનેશનલ એરપોર્ટ પર કર્મચારીએ દેખાડી ઇમાનદારી | 2024-09-18 12:04:25
J&K Election: જમ્મુ-કાશ્મીરમાં પ્રથમ તબક્કાનું મતદાન, મહિલા મતદારોમાં વિશેષ ઉત્સાહ- Gujarat Post | 2024-09-18 11:39:45
US Elections 2024: આગામી સપ્તાહે પીએમ મોદી સાથે મુલાકાત કરશે ડોનાલ્ડ ટ્રમ્પ, ચૂંટણી પ્રચારમાં થઈ જાહેરાત- Gujarat Post | 2024-09-18 11:36:42
લેબનોન પેજર બ્લાસ્ટમાં 9 લોકોનાં મોતથી ઇઝરાયેલ સામે હિઝબુલ્લા લાલઘૂમ, ઈરાનના રાજદૂત પણ બન્યાં બ્લાસ્ટનો શિકાર | 2024-09-18 09:03:02
નવી એક અફવા....સીએમ ભૂપેન્દ્ર પટેલ એક મહિના માટે રજા પર જવાના છે તેવી અફવા સામે હર્ષ સંઘવીએ આપી ચેતવણી | 2024-09-17 20:35:30
રાજકોટઃ સ્વ.કેશુભાઈ પટેલની પુણ્યતિથી પર આંતરરાષ્ટ્રીય કૂર્મી સેના દ્વારા યોજાશે વિશાળ સ્મરણાંજલી સભા | 2024-09-17 19:11:34
જૂનાગઢ ભાજપ જિલ્લા પ્રમુખે હપ્તાખોરી કરી, ભાજપથી નારાજ જવાહર ચાવડાનો પીએમ મોદીને પત્ર | 2024-09-17 14:26:49
સુરેન્દ્રનગરના 55 વર્ષના આ સરકારી બાબુએ લાંચ લીધી અને ગુજરાત ACB એ ઝડપી લીધા | 2024-09-17 14:00:33
ઉદ્ઘઘાટનના થોડા કલાક પહેલા જ ભૂજ-અમદાવાદ વંદે મેટ્રો ટ્રેનનું બદલાયું નામ, પીએમ મોદીએ આપી લીલીઝંડી- Gujarat Post | 2024-09-16 14:52:43
Kheda News: કઠલાલના મહુધામાં ઘર્ષણ...ભડકાઉ પોસ્ટ મામલે ફરિયાદ કરીને આવતા યુવકો પર 2000 લોકોના ટોળાએ કર્યો હુમલો- Gujarat Post | 2024-09-15 11:42:07
સરદાર સરોવર ડેમની જળ સપાટી 136 મીટર પાર, ઘણા ગામો એલર્ટ મોડ પર, વહીવટીતંત્રે આપી ચેતવણી | 2024-09-15 09:22:40