કચ્છઃ ભૂજમાં સાથે રહેવા માટે એક પરિણીત યુગલે એક વૃદ્ધની હત્યા કરીને તેની લાશને સળગાવી નાખી હતી. તપાસ બાદ પોલીસે પરિણીત પ્રેમી-પ્રેમીકાની ધરપકડ કરી હતી. આ પ્રેમી યુગલે પોલીસ પૂછપરછ દરમિયાન ચોંકાવનારો ખુલાસો કર્યો છે.
ભૂજમાં 5 જુલાઈના રોજ પરિણીત યુગલ અનિલ અને રામીએ ભાગી જવાની યોજના બનાવી હતી. આ બંનેએ પહેલા એકલા બહાર ફરી રહેલા વૃધ્ધાની હત્યા કરીને રામીના ઘરે લઈ ગયા અને લાશને સળગાવી દીધી હતી. જેથી પરિવારજનોને લાગે કે રામીએ આત્મહત્યા કરી છે અને બંને ભાગીને આરામથી જીવન જીવી શકે છે. પછી પ્લાન મુજબ અનિલ અને રામી ગામ છોડીને ભાગી ગયા હતા. એટલે કે રામીને મૃત બતાવવા માટે એક નિર્દોષની હત્યા કરીને લાશને સળગાવી દીધી હતી.
પ્રેમી પોતાની પ્રેમિકાના ઘરની હાલત જાણવા ગામ પહોંચ્યો અને નાટક કર્યું
અનિલ તેની પ્રેમિકાના ઘરની હાલત જાણવા બીજા દિવસે ગામ પાછો આવ્યો હતો અને રામીના ઘરે જઈને સ્થિતી પર નજર રાખી હતી. જ્યાં આખા પરિવારે રામીને મૃત માની લીધી હતી, કારણ કે રામીના કપડા બળેલા શરીર પર હતા. બાદમાં પ્રેમી પરત ફર્યો હતો, આ પછી બંને દ્વારકા પાસેના ગામમાં રોકાયા હતા. બે મહિના બાદ બંને ભૂજ પરત ફર્યાં હતા અને ત્યાં ભાડે રહેવા લાગ્યા હતા.
પિતા પાસે પહોંચીને સત્ય જણાવીને માફી માંગી
બંનેને અચાનક સમજાયું કે તેઓએ જે રીતે ભાગી જવાની યોજના બનાવી હતી તે ખોટી હતી. આ કારણે બંને 27 સપ્ટેમ્બરે રામીના પિતા પાસે ગયા અને તેમને આખી હકીકત જણાવી અને માફી માંગી હતી. ત્યારે રામીના પિતાએ તેની માફી નકારી કાઢી હતી. આ પછી બંનેએ આત્મહત્યા કરવાની યોજના બનાવી હતી.
મંદિરમાં આત્મહત્યાની તૈયારીઓ શરૂ કરી
આત્મહત્યા કરતા પહેલા બંને તેમના પરિવારના કુળદેવીના મંદિરે દર્શન કરવા ગયા હતા. તે પહેલા રસ્તામાં એક દોરડું ખરીદ્યું હતું અને મંદિરમાં આત્મહત્યા કરવાની તૈયારી શરૂ કરી હતી. તે સમયે પોલીસે ત્યાં પહોંચીને બંનેની ધરપકડ કરી હતી. ત્યારબાદ પોલીસે બંનેને કસ્ટડીમાં લઈ પૂછપરછ હાથ ધરી હતી. બંનેએ પોલીસને જણાવ્યું કે તેઓએ સાથે રહેવા માટે આખો પ્લાન બનાવ્યો હતો.
આ મામલે એસપીએ જણાવ્યું હતું
કચ્છ પશ્ચિમના એસપીએ જણાવ્યું કે જ્યારે બંને 27 સપ્ટેમ્બરના રોજ પાછા ફર્યાં હતા, ત્યારે તેઓ પરિવારને મળ્યાં હતા અને દિલગીરી વ્યક્ત કરીને માફી પણ માંગી હતી. આ પછી પરિવારે સમગ્ર ઘટના પોલીસને જણાવી હતી. પોલીસે તમામ માહિતી એકઠી કરીને બંનેને કસ્ટડીમાં લીધા હતા. પોલીસે મૃતક વૃદ્ધ વ્યક્તિનો સ્કેચ બનાવીને તેની ઓળખ શરૂ કરી છે. પૂછપરછ દરમિયાન બંને પ્રેમીઓએ બધું જ કબૂલ્યું હતું, ત્યારબાદ પોલીસે બંનેની ધરપકડ કરીને કોર્ટમાં રજૂ કર્યા હતા. આ અંગે આગળની કાર્યવાહી હાથ ધરી છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
વીડિયો, ઇરાને અંધાધૂંધ ફાયરિંગ કરીને 250 જેટલા અફઘાનીઓને મોતને ઘાટ ઉતારી દીધા હોવાનો દાવો | 2024-10-18 10:29:33
સાવરકુંડલા ભાજપના ધારાસભ્ચ મહેશ કસવાલાએ કૃષિ મંત્રીને પત્ર લખીને કરી આ રજૂઆત- Gujarat Post | 2024-10-18 10:04:28
સુરત ભાજપના ધારાસભ્ય કુમાર કાનાણીએ સરકારને લખ્યો પત્ર, હીરા ઉદ્યોગ માટે કરી ખાસ માંગ- Gujarat Post | 2024-10-18 10:00:48
સલમાન ખાનની હાલત બાબા સિદ્દીકી કરતાં પણ ખરાબ થશે, બિશ્નોઈ ગેંગના નામે સુપરસ્ટારને મળી ધમકી- Gujarat Post | 2024-10-18 09:58:00
ગુજરાતમાં ED ના દરોડા, GST કૌભાંડમાં અમદાવાદ, જૂનાગઢ સહિત અનેક જગ્યાએ તપાસ | 2024-10-17 18:15:55
કચ્છમાં 4 ની તીવ્રતાનો ભૂકંપનો આંચકો, લોકો રાત્રે ઉંઘમાંથી દોડીને ઘરની બહાર આવ્યાં- Gujarat Post | 2024-10-17 11:43:14
કંડલાની કેમિકલ ફેક્ટરીમાં દુર્ઘટના, ટાંકી સાફ કરવા ગયેલા 5 કામદારોનાં મોત | 2024-10-16 17:30:57
ડીસામાં નવરાત્રિ દરમિયાન ખોટું નામ આપીને મહિલાને ભગાડી ગયો વિધર્મી યુવક, પોલીસે સુરતમાંથી આરોપીને ઝડપી લીધો | 2024-10-15 16:56:37
આણંદઃ ACB ના સંકજામાં 3 પોલીસકર્મીઓ ફસાયા, આટલા રૂપિયાની લાંચ લેતા ઝડપાયા | 2024-10-15 08:32:48
Copyright © 2018-2024 Gujarat Post News.
Whatsapp
