ભારતીય ક્રિકેટ ટીમના સફળ ડાબેરી ઓપનિંગ બેટ્સમેનોમાંના એક અને 2013ની ચેમ્પિયન્સ ટ્રોફી વિજેતા ટીમનો એક ભાગ શિખર ધવને 24 ઓગસ્ટની સવારે ક્રિકેટના તમામ ફોર્મેટમાંથી સંન્યાસ લેવાની જાહેરાત કરી છે. વીડિયો પોસ્ટ કરતી વખતે શિખર ધવને કેપ્શનમાં લખ્યું કે હવે હું મારી ક્રિકેટ સફરના આ પ્રકરણનો અંત કરી રહ્યો છું. હું મારી સાથે અગણિત યાદો લઈને જાઉં છું. તમારા બધાનો પ્રેમ અને સમર્થન બદલ આભાર ! જય હિન્દ ! ધવનની ગણતરી વિશ્વમાં ક્રિકેટના સફળ ઓપનિંગ બેટ્સમેનોમાં થાય છે. તે છેલ્લે વર્ષ 2022માં બાંગ્લાદેશ પ્રવાસ પર રમાયેલી ODI શ્રેણીમાં ભારતીય ટીમ માટે રમ્યો હતો.
આજે હું એવા સ્થાને ઉભો છું જ્યાંથી જ્યારે હું પાછળ જોઉં છું ત્યારે માત્ર યાદો જ દેખાય છે
શિખર ધવને ઈન્ટરનેશનલ અને ડોમેસ્ટિક ક્રિકેટમાંથી સંન્યાસ લેવાની જાહેરાત કરવાની સાથે પોસ્ટ કરેલા વીડિયોમાં કહ્યું કે આજે હું એવા સ્થાને ઉભો છું જ્યાંથી જ્યારે હું પાછળ જોઉં છું ત્યારે મને માત્ર યાદો જ દેખાય છે, જ્યારે હું આગળ જોઉં છું ત્યારે હું આખી દુનિયા જોઈ શકું છું. ભારત માટે રમવાનું મારું હંમેશા એક જ લક્ષ્ય હતું અને તે પુરું થયું જેના માટે હું ઘણા લોકોનો આભાર માનું છું. સૌ પ્રથમ, મારો પરિવાર, મારા બાળપણના કોચ તારક સિંહાજી અને મદન શર્માજી જેમના માર્ગદર્શન હેઠળ હું ક્રિકેટ શીખ્યો હતો. પછી મારી ટીમ જેની સાથે હું વર્ષો સુધી રમ્યો જ્યાં મને મારો પરિવાર મળ્યો અને તમારા લોકોનો સપોર્ટ અને પ્રેમ મળ્યો. કહેવાય છે કે વાર્તામાં આગળ વધવા માટે પાનાં ફેરવવાં પડે છે, એટલે હું પણ એ જ કરવાનો છું.
હું આંતરરાષ્ટ્રીય અને સ્થાનિક બંને ક્રિકેટમાંથી સંન્યાસ લેવાની જાહેરાત કરું છું. જ્યારે હું મારી ક્રિકેટ સફરને અલવિદા કહી રહ્યો છું, ત્યારે મને રાહત થાય છે કે મેં મારા દેશ માટે ઘણું રમ્યો છું. મને આ તક આપવા બદલ હું બીસીસીઆઈ અને ડીડીસીએનો અને મારા બધા ચાહકોનો આભાર માનું છું જેમણે મને ખૂબ પ્રેમ આપ્યો છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
3.jpg)
UP: દિવાળી મનાવવા ઘરે જઇ રહેલા લોકોને નડ્યો અકસ્માત, 6 લોકોનાં મોત | 2024-10-31 10:49:52
Vadodara: મહિલા બાળકો સાથે ફોડતી હતી ફટાકડા, અચાનક રોમિયો આવીને ભેટી પડ્યો અને પછી... | 2024-10-31 10:12:01
પીએમ મોદીએ દેશવાસીઓને દિવાળીની શુભકામનાઓ પાઠવી, કહી આ વાત | 2024-10-31 09:30:40
પીએમ મોદીએ સ્ટેચ્યૂં ઓફ યુનિટી ખાતે સરદાર વલ્લભભાઇ પટેલને આપી શ્રદ્ધાંજલિ,રાષ્ટ્રીય એકતાના શપથ લેવડાવ્યાં | 2024-10-31 09:12:12
નિવૃત્ત પોલીસ ઇન્સ્પેક્ટર ઘરમાં જ કૂટણખાનું ચલાવતાં ઝડપાયો, નજારો જોઈ પોલીસ પણ ચોંકી- Gujarat Post | 2024-10-30 10:53:05
2 કરોડ રૂપિયા આપો, નહીં તો જાનથી મારી નાખીશું, ફરી એકવાર સલમાન ખાનને જાનથી મારી નાખવાની ધમકી | 2024-10-30 10:43:25
ધનતેરસના દિવસે ભયંકર અકસ્માતમાં 12 લોકોનાં મોત, અનેક ઘાયલ | 2024-10-29 21:53:45
Copyright © 2018-2024 Gujarat Post News.
Whatsapp
