(demo pic)
Latest Surat News: : ડાયમંડ નગરી તરીકે ઓળખ ધરાવતાં સુરતમાં રહસ્યમય મોતનો સિલસિલો યથાવત્ રહેવા પામ્યો છે. છાતીમાં દુઃખાવો થયા બાદ ગોડાદરામાં 42 વર્ષીય મહિલા અને રાંદેરમાં પાલિકાના કર્મચારીની અચાનક તબિયત બગડતા બેભાન થયા બાદ મોત નીપજ્યું હતું.
રાંદેરમાં રામનગરમાં ભાગ્યલક્ષ્મી સોસાયટીમાં રહેતા 52 વર્ષીય રમેશભાઇ નાગજીભાઇ મકવાણાને છાતીમાં દુઃખાવો થયો હતો. બાદમાં તે પડી જતા હાલત ગંભીર થઇ હતી. તે બેભાન થઈ જતા સારવાર માટે 107 એમ્બ્યુલન્સમાં ખાનગી હોસ્પિટલમાં ખસેડાયા હતા. જ્યાં ફરજ પરના ડોક્ટરે તેમને મૃત જાહેર કર્યા હતા. તેઓ પાલિકાના એસ.આઇ તરીકે ફરજ બજાવતા હતા.
ગોડાદરામાં કલાકુંજ સોસાયટીમાં રહેતા 42 વર્ષીય કાંતાબેન મનોહરભાઇ ગજરે ઘરે હતા ત્યારે છાતીમાં દુઃખાવો ઉપડયો હતો. બાદમાં તે અચાનક ઢળી પડતા બેભાન થઈ જતા સારવાર માટે ગાડાદરાની ખાનગી હોસ્પિટલ બાદ અન્ય પ્રાઇવેટ હોસ્પિટલમાં ખસેડાયા હતા. જ્યાં ફરજ પરના ડોક્ટરે તેમને મૃત જાહેર કર્યા હતા. મહિલાના મોતના પગલે પરિવારજનો શોકમગ્ન થઈ ગયા હતા.
થોડા દિવસ પહેલાં શહેરના સરથાણામાં રહેતા એક સેલ્સમેનનું નાહવા જતી વખતે બેભાન થઈ જતાં મોત થયું હતું. અમરેલીના બગસરાના અને સરથાણાના વ્રજ ચોકમાં રહેતા સાગર મધુકર શેખ (ઉ.વ.32) ખાનગી દવાની કંપનીમાં સેલ્સેમન તરીકે નોકરી કરીને પરિવારનું ગુજરાન ચલાવતા હતા. તેઓ સાંજના સમયે બાથરૂમમાં સ્નાન કરવા ગયા હતા. આ સમયે તેઓ અચાનક બેભાન થઈ ઢળી પડ્યા હતા. જેથી તેમને તાત્કાલિક સારવાર અર્થે ખસેડવામાં આવ્યા હતા. જ્યાં તેમને પૂરતી સારવાર મળે તે પહેલાં જ મોત થયું હતું. આ ઘટનાના થોડા દિવસ પહેલા ત્રણ લોકોના આવી જ રીતે મોત થયા હતા. શિયાળાની શરૂઆત પણ સરખી નથી થઈ ત્યાં સુરતમાં અચાનક મોતના સિલસિલાથી લોકોમાં ફફડાટ ફેલાયો છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
કેનેડાના ટોરોન્ટોમાં એક ભયાનક માર્ગ અકસ્માતમાં ચાર ગુજરાતીઓના મોત, ટેસ્લા કાર થાંભલા સાથે અથડાતા લાગી હતી આગ | 2024-10-26 11:36:54
ACB Trap: મોરબીના ઘુંટુ ગામના તલાટી કમ મંત્રી અને સરપંચના પતિ લાંચ લેતા ઝડપાયા – Gujarat Post | 2024-10-26 09:22:12
Iran Isreal War; ઈરાન પર આક્રમણ માટે ઈઝરાયેલે ઉતાર્યા 100 વૉર પ્લેન, 2000 કિમી દૂરથી કર્યા ટાર્ગેટ – Gujarat Post | 2024-10-26 09:20:17
વાવ પેટાચૂંટણીનો જંગ, કોંગ્રેસમાંથી ગુલાબસિંહ રાજપૂત, ભાજપમાંથી સ્વરૂપજી ઠાકોર ઉમેદવાર, માવજી પટેલ પણ મેદાનમાં | 2024-10-25 19:44:20
Fact Check: સિંહણનો આ વાયરલ વીડિયો ગુજરાતનો નથી, ભ્રામક દાવો થયો વાયરલ | 2024-10-26 10:43:26
Gujarat Politics: વાવ પેટા ચૂંટણીમાં ઉમેદવારી ભરવાનો અંતિમ દિવસ, ઉમેદવારોના નામ પર નજર- Gujarat Post | 2024-10-25 09:59:20
સુરતમાં મોટું ઓપરેશન, DRI એ સ્મગલિંગનું 9 કિલો સોનું કર્યું જપ્ત | 2024-10-21 10:46:20
સુરત ભાજપના ધારાસભ્ય કુમાર કાનાણીએ સરકારને લખ્યો પત્ર, હીરા ઉદ્યોગ માટે કરી ખાસ માંગ- Gujarat Post | 2024-10-18 10:00:48
શ્રદ્ધાંજલી... સુરતમાં 11,000 હીરાથી સ્વ.રતન ટાટાનું ભવ્ય પોટ્રેટ તૈયાર કરાયું | 2024-10-14 17:08:54
સુરતના માંગરોળ દુષ્કર્મ કેસનો ત્રીજો આરોપી ઝડપાયો, ગુજરાતમાંથી ભાગવાની ફિરાકમાં હતો- Gujarat Post | 2024-10-11 10:49:45
Copyright © 2018-2024 Gujarat Post News.
Whatsapp
