દુબઈઃ તેલ અવીવ જતી ફ્લાઇટ F- Z 1073 પાઇલટ્સ વચ્ચે હવામાં થયેલા ઝઘડા બાદ ખોરવાઈ ગઈ હતી. વિમાનમાં180 મુસાફરો સવાર હતા, જેમાં 100 થી વધુ ઇઝરાયલીઓ હતા. ઘટના દરમિયાન, વિમાને પહેલા 7700 સિગ્નલ મોકલ્યું, જે સામાન્ય કટોકટીનો સંકેત આપે છે, અને પછી 7500 સિગ્નલ મોકલ્યું, જે સંભવિત ગેરકાયદેસર હસ્તક્ષેપનો સંકેત આપે છે. ઇઝરાયેલી વાયુસેનાના ફાઇટર જેટને તત્કાળ તબક એરપોર્ટ પર વિમાન સુરક્ષિત રીતે ઉતાર્યું હતું.
પાઇલટ્સ વચ્ચે અથડામણથી હાઇજેકિંગનો ભય ઉભો થયો
ધ જેરુસલેમ પોસ્ટ સાથે વાત કરતા એક ઇઝરાયલી અધિકારીના જણાવ્યાં અનુસાર, પાઇલટ્સ વચ્ચેની ઘટનાથી એવો ભય ઉભો થયો કે વિમાન હાઇજેક થઈ શકે છે અને જમીન પર તૂટી શકે છે. અધિકારીએ દાવો કર્યો કે વધારાના ક્રૂ સભ્યો અને બોર્ડ પરના કેટલાક ઇઝરાયલી મુસાફરોની મદદથી પરિસ્થિતિને નિયંત્રણમાં લાવવામાં આવી હતી.
જો કે, ઇઝરાયલી વડાપ્રધાન કાર્યાલયે પાછળથી જણાવ્યું કે પરિસ્થિતિ નિયંત્રણમાં છે અને તે હાઇજેકિંગની ઘટના ન હતી. વડાપ્રધાન બેન્જામિન નેતન્યાહૂએ અધિકારીઓ સાથે આ ઘટના અંગે ચર્ચા કરી હતી અને ઘટનાક્રમ પર નજર રાખી રહ્યાં હતા.















