છત્તીસગઢઃ આજે વિધાનસભા ચૂંટણી માટે પ્રથમ તબક્કાનું મતદાન સવારે 7 વાગ્યાથી શરૂ થઈ ગયું છે, જે સાંજે 5 વાગ્યા સુધી ચાલશે.પ્રથમ તબક્કામાં 90માંથી રાજ્યના નક્સલ પ્રભાવિત બસ્તર વિભાગની 20 બેઠકો અને રાજનાંદગાંવ સહિત અન્ય ચાર જિલ્લાઓમાં અલગ-અલગ સમયે મતદાન થઈ રહ્યું છે. 10 બેઠકો પર સવારે 7 થી 3 વાગ્યા સુધી મતદાન થશે, બાકીની 10 બેઠકો પર સવારે 8 થી સાંજના 5 વાગ્યા સુધી મતદાન થશે.
મતદાનના પ્રથમ તબક્કામાં રાજ્યના 40,78,681 મતદારો 223 ઉમેદવારોના ભાવિનો નિર્ણય કરશે. આ ઉમેદવારોમાં પૂર્વ મુખ્યમંત્રી રમણ સિંહ, પ્રદેશ કોંગ્રેસ અધ્યક્ષ અને બસ્તરના સાંસદ દીપક બૈજ, કોંગ્રેસ સરકારના ત્રણ મંત્રીઓ, ભાજપના ચાર પૂર્વ મંત્રીઓ અને એક પૂર્વ IAS અધિકારીનો સમાવેશ થાય છે.
છત્તીસગઢમાં ચાલી રહેલા મતદાનની વચ્ચે સુકમાના તોંડામાર્કા વિસ્તારમાં નક્સલવાદીઓએ IED બ્લાસ્ટ કર્યો હતો.આ વિસ્ફોટમાં ચૂંટણી ફરજ પર તૈનાત CRPF કોબ્રા બટાલિયનના એક જવાન ઘાયલ થયા છે.આ માહિતી સુકમાના એસપી કિરણ ચવ્હાણે આપી છે.
Chhattisgarh | One jawan of CRPF CoBRA Battalion injured in an IED blast triggered by naxals in Tondamarka area of Sukma. The jawan was deployed for election duty: Sukma SP Kiran Chavan
— ANI MP/CG/Rajasthan (@ANI_MP_CG_RJ) November 7, 2023
પ્રથમ તબક્કામાં 20 બેઠકો પર મતદાન
અધિકારીઓએ જણાવ્યું કે પ્રથમ તબક્કાની 20 વિધાનસભા મતવિસ્તારોમાંથી 10 વિધાનસભા મતવિસ્તારો મોહલા-માનપુર, અંતાગઢ, ભાનુપ્રતાપપુર, કાંકેર, કેશકલ, કોંડાગાંવ, નારાયણપુર, દંતેવાડા, બીજાપુર અને કોન્ટા વિધાનસભા ક્ષેત્રમાં સવારે 7 થી બપોરે 3 વાગ્યા સુધી મતદાન થશે. વિધાનસભા મતવિસ્તારોમાં સવારે 7 વાગ્યાથી બપોરે 3 વાગ્યા સુધી મતદાન થશે.પાંડારિયા, કવર્ધા, ખૈરાગઢ, ડોંગરગઢ, રાજનાંદગાંવ, ડોંગરગાંવ, ખુજ્જી, બસ્તર, જગદલપુર અને ચિત્રકોટ વિધાનસભા ક્ષેત્રમાં સવારે 8 વાગ્યાથી સાંજે 5 વાગ્યા સુધી મતદાન થશે.
પ્રથમ તબક્કામાં 223 ઉમેદવારોના ભાવિનો નિર્ણય
પ્રથમ તબક્કામાં જે 20 બેઠકો પર મતદાન થઈ રહ્યું છે તેમાંથી 12 અનુસૂચિત જનજાતિ (ST) માટે અનામત છે,એક અનુસૂચિત જાતિ (SC) કેટેગરી માટે અનામત છે. 2018ની ચૂંટણીમાં ભાજપને આ 20માંથી 18 બેઠકો પર હારનો સામનો કરવો પડ્યો હતો.આ તબક્કામાં સૌથી વધુ ઉમેદવારો રાજનાંદગાંવ મતવિસ્તારમાં છે (29) જ્યારે સૌથી ઓછા ઉમેદવારો ચિત્રકોટ અને દંતેવાડા બેઠકો પર છે જેમાં પ્રત્યેક સાત ઉમેદવારો છે.
અધિકારીઓએ જણાવ્યું કે પ્રથમ તબક્કાની 20 વિધાનસભા બેઠકો પર કુલ 223 ઉમેદવારો છે, જેમાંથી 198 પુરૂષો અને 25 મહિલાઓ છે. પ્રથમ તબક્કા માટે 40 લાખ 78 હજાર 681 મતદારો તેમના મતાધિકારનો ઉપયોગ કરી રહ્યાં છે, જેમાં 19 લાખ 93 હજાર 937 પુરુષ મતદાતા, 20 લાખ 84 હજાર 675 મહિલા મતદારો અને 69 ત્રીજા લિંગના મતદારોનો સમાવેશ થાય છે. પ્રથમ તબક્કાની ચૂંટણી માટે કુલ 5304 મતદાન મથકો સ્થાપિત કરવામાં આવ્યાં છે. પ્રથમ તબક્કાની ચૂંટણી માટે 25,429 મતદાન કર્મચારીઓને તૈનાત કરવામાં આવ્યાં છે.
2431 મતદાન મથકોમાં વેબ કાસ્ટિંગની સુવિધા
અધિકારીઓએ જણાવ્યું કે પાંચ જિલ્લા સુકમા, બીજાપુર, દંતેવાડા, કાંકેર અને નારાયણપુરમાં કુલ 156 મતદાન પક્ષોને હેલિકોપ્ટરનો ઉપયોગ કરીને તેમના સ્થાનો પર મોકલવામાં આવ્યાં છે, જ્યારે 5148 મતદાન પક્ષોને બસો દ્વારા સંબંધિત કેન્દ્રો પર મોકલવામાં આવ્યાં છે. રાજ્યમાં શાંતિપૂર્ણ મતદાન માટે વ્યાપક સુરક્ષા વ્યવસ્થા કરવામાં આવી છે. કુલ મતદાન મથકોમાંથી 2431 પર વેબ કાસ્ટિંગની સુવિધા ઉપલબ્ધ થશે. નક્સલ પ્રભાવિત બસ્તર વિભાગના 12 મતવિસ્તારોમાં શાંતિપૂર્ણ મતદાન માટે 40 હજાર કેન્દ્રીય સશસ્ત્ર પોલીસ દળના જવાનો સહિત 60 હજાર સુરક્ષા દળો તૈનાત કરવામાં આવ્યાં છે.
રાજનીતિના સમાચારો માટે આ લિંક પર ક્લિક કરો
ગુજરાતના અન્ય લેટેસ્ટ સમાચારો માટે આ લિંક પર ક્લિક કરો
સૌથી ઝડપી સમાચારો માટે આ લિંક પર ક્લિક કરો
Gujarat Post News | Gujaratpost | Gujaratpostnews | Gujarati news webportel| Gujarati news website
પોપ્યુલર સ્ટોરી માટે આ લિંક પર ક્લિક કરો
Starliner Landed: સુનીતા વિલિયમ્સને લીધા વગર જ ધરતી પર આવ્યું સ્ટારલાઇનર- Gujarat Post | 2024-09-07 14:22:08
Rajkot News: રાજકોટમાં રજૂઆત કરવા આવેલા ભાજપના જ નેતાને પાટીલથી રખાયા દૂર, બહારથી જ રવાના કરી દેવામાં આવ્યાં- Gujarat Post | 2024-09-07 14:04:47
Crime News: બર્થ ડે પાર્ટીમાં યુવતીને પીવડાવ્યું નશીલું લીંબુ પાણી અને પછી...Gujarat Post | 2024-09-07 14:00:41
રાજકોટમાં Acb એ રૂ.10 લાખની લાંચનો કર્યો પર્દાફાશ, મહારાષ્ટ્રના એક પીઆઇ વતી લાંચ લેનારો ઝડપાયો | 2024-09-06 21:46:39
200 કિલો નશાનો સામાન જપ્ત, અમદાવાદમાં વટવા જીઆઇડીસીમાંથી ગાંજા સાથે 7 લોકો ઝડપાયા | 2024-09-06 16:51:19
રક્ષામંત્રી રાજનાથસિંહનું મોટું નિવેદન, ભારતીય સેનાએ યુદ્ધ માટે તૈયાર રહેવું જોઇએ | 2024-09-06 13:23:53
PM મોદીનું સિંગાપોર સંસદમાં સ્વાગત, ભારત અને સિંગાપોર વચ્ચે સેમિકન્ડક્ટર સહિત ઘણા ક્ષેત્રોમાં પર કરાર | 2024-09-05 09:18:50
PM મોદી 15 સપ્ટેમ્બરે આવશે ગુજરાત, GMDC ગ્રાઉન્ડમાં ભવ્ય ઉજવણીની તૈયારીઓ, જાણો કાર્યક્રમ | 2024-09-04 17:50:13
ED એ AAP ના ધારાસભ્ય અમાનતુલ્લા ખાનના બાટલા હાઉસ પર દરોડા પાડ્યાં, સિસોદિયાએ કહી આ વાત | 2024-09-02 08:25:30
દેશમાં આ રાજ્યમાં સરકારે ડેન્ગ્યુને મહામારી કરી જાહેર, મચ્છરનો ઉપદ્રવ જોવા મળશે તો થશે આટલો દંડ- Gujarat Post | 2024-09-04 08:30:44
બહરાઇચમાં વધુ બે બાળકો વરૂનો શિકાર બનતાં બચ્યાં, 35 ગામોમાં ફફડાટ- Gujarat Post | 2024-09-03 10:42:14
માનવભક્ષી વરૂનો આતંક....બહરાઇચમાં 2 વર્ષની બાળકીને ફાડી ખાધી, મહિલાને ઘાયલ કરી- Gujarat Post | 2024-09-02 09:58:45