આયુર્વેદનો રામબાણ મસાલો, મૌખિક સ્વાસ્થ્યથી લઈને હાડકાના રોગો સુધી દરેકમાં ફાયદાકારક

ભારતીય મસાલાઓમાં લવિંગ એક મહત્વપૂર્ણ મસાલો છે. મોટાભાગના ભારતીય રસોડામાં લવિંગ મળી શકે છે. લવિંગ ભોજનનો સ્વાદ વધારે છે, તે સ્વાસ્થ્ય માટે પણ ફાયદાકારક છે. આ જ કારણ છે કે આયુર્વેદ ડોક્ટરો પણ તેનું સેવન કરવાની સલાહ આપી રહ્યાં છે.

લવિંગ પોષક તત્વોનો ભંડાર છે. તેમાં વિટામિન C, વિટામિન B1, વિટામિન B2, વિટામિન B4, વિટામિન B6 અને વિટામિન B9 મળી આવે છે. આ સાથે તેમાં આયર્ન, કેલ્શિયમ, કોપર, ઝિંક, પોટેશિયમ, સોડિયમ, કાર્બોહાઈડ્રેટ્સ વગેરે મળી આવે છે.

તેનું સેવન કરવાથી શરીરમાં સોજાની સમસ્યા ઓછી થાય છે. જેના કારણે તે સંધિવા અથવા હાડકા સંબંધિત રોગો માટે ખૂબ જ અસરકારક છે. સાથે જ હાડકામાં જકડાઈ જવાની સમસ્યા પણ દૂર થાય છે.

તેનું સેવન કરવાથી મૌખિક સ્વાસ્થ્ય પણ સુધરે છે. જે લોકોને શ્વાસમાં દુર્ગંધ આવતી હોય અથવા દાંતમાં સોજા આવવા કે પાયોરિયા જેવી સમસ્યા હોય તેમણે દરરોજ બે લવિંગ ચાવવી જોઈએ. આનાથી મૌખિક સ્વાસ્થ્ય મજબૂત રહે છે.

લવિંગ ઉધરસમાં રાહત આપે છે અને રક્ત પરિભ્રમણને સુધારે છે. તે પાચનતંત્રને મજબૂત બનાવવામાં પણ ખૂબ અસરકારક છે. પરંતુ તેનું વધુ પડતું સેવન શરીર માટે હાનિકારક સાબિત થઈ શકે છે.

(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ. કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીને લગતી કોઇ પણ જવાબદારી સ્વીકારતું નથી)