મોદીના મિત્ર અદાણી પર ફરીથી રાહુલ ગાંધીએ છોડ્યાં બાણ, જૂનો ફોટો બતાવીને કહ્યું આ ભાઇ જાદુથી અમીર બની ગયા

Published By
gujaratpost.in
2023-02-07 18:37:05

રાહુલ ગાંધીએ લોકસભામાં મોદી અને અદાણીનો જૂનો ફોટો બતાવ્યો

નવી દિલ્હીઃ ભારત જોડો યાત્રા બાદ હવે રાહુલ ગાંધી મૂડમાં દેખાઇ રહ્યાં છે, સંસદમાં તેમને અદાણી અને મોદીના જૂના ફોટો બતાવીને ફરીથી ગૌતમ અદાણીને નિશાને લીધા છે, કહ્યું કે 2014 માં અદાણી વિશ્વમાં અમીરોની યાદીમાં 609 માં ક્રમે હતા અને પછી એવો જાદુ ચાલ્યો કે તેઓ બીજા ધનાઢ્ય વ્યક્તિ બની ગયા.

લોકસભામાં કોંગ્રેસ સાંસદોએ મોદી હૈ તો મુમકિન હૈ..ના નારા લગાવ્યાં

રાહુલે કહ્યું કે આ જાદુ છે અને આ મહાશયનો મોદી સાથે શું સંબંધ છે તેની પણ લોકોને ખબર પડવી જોઇએ.રાહુલ પહેલાથી જ અદાણી પર કોઇને કોઇ રીતે વિવાદીત નિવેદનો આપતા આવ્યાં છે અને હવે તેમને કહેલી અનેક વાતો પણ સાચી પડી રહી છે, હિડનબર્ગના રિપોર્ટ બાદ અદાણીની સંપત્તિમાં જોરદાર ઘટાડો નોંધાયો છે. તેમની કંપનીના શેર્સના ભાવ 40 ટકાથી વધુ નીચે આવી ગયા છે.

અદાણીની કંપનીઓના હિસાબોમાં ગોટાળા છે અને અદાણી છેતરપિંડી કરી રહી છે, તેવા રિપોર્ટ બાદ અદાણીની કંપનીઓમાં ઉથલ પાથલ મચી છે.