- ફાયર સેફ્ટી રિન્યુંઅલ NOC આપવાના અવેજમાં લાંચ માંગવી ભારે પડી
- પોતાની જ ચેમ્બરમાં રંગે હાથ ઝડપાયા આ બાબુ
ગાંધીનગર: મહાનગરપાલિકાના ફાયર એન્ડ ઇમરજન્સી સર્વિસ વિભાગના લાંચિયા અધિકારી સામે એસીબીએ લાલ આંખ કરી છે. ફાયર સેફ્ટી રિન્યુંઅલની એન.ઓ.સી.આપવાના બદલામાં રૂ. 20 હજારની ની લાંચ સ્વીકારતા ઈન્ચાર્જ ચીફ ફાયર ઓફિસરને ACBની ટીમે તેમની પોતાની જ ચેમ્બરમાંથી રંગે હાથ ઝડપી પાડ્યાં છે.
ગાંધીનગર મ્યુનિસિપલ કોર્પોરેશનમાં સબ ફાયર ઓફિસર તથા ઈન્ચાર્જ ચીફ ફાયર ઓફિસર (ઈન્ચાર્જ વર્ગ-1) તરીકે ફરજ બજાવતા 55 વર્ષીય રાજેશકુમાર બાબુલાલ પટેલે એક નાગરિક પાસે ફાયર સેફ્ટી રિન્યુંઅલની NOC આપવાના અવેજ પેટે રૂ. 20,000 ની લાંચની માંગણી કરી હતી.
ફરિયાદી લાંચની રકમ ચૂકવવા તૈયાર ન હોવાથી તેમણે સમગ્ર મામલે ભરૂચ એ.સી.બી. પોલીસ સ્ટેશનનો સંપર્ક કરી ફરિયાદ નોંધાવી હતી. ફરિયાદને આધારે ભરૂચ ACB પોલીસ ઇન્સ્પેક્ટર એમ. જે. શિંદે તથા તેમની ટીમ દ્વારા છટકું ગોઠવવામાં આવ્યું હતું.

















