આ ચિંતાનો વિષય છે, કેનેડામાં અભ્યાસ માટે ગયેલો વધુ એક ગુજરાતી વિદ્યાર્થી ગુમ થયો

Published By
gujaratpost.in
2023-06-17 18:08:41

ટોરેન્ટોઃ છેલ્લા થોડા સમયથી વિદેશમાં ભારતીય વિદ્યાર્થીઓને લઇને ચિંતા વધી રહી છે, થોડા દિવસ પહેલા કેનેડામાં બે ભારતીય વિદ્યાર્થીઓના શંકાસ્પદ મોત સામે આવ્યાં હતા, હવે વધુ એક વિદ્યાર્થીના ગુમ થયાના અહેવાલ સામે આવ્યાં છે. કેનેડાની બ્રાન્ડોન શહેર પોલીસ 20 વર્ષીય વિશય પટેલને શોધી રહી છે, જે ગુરૂવારે સાંજથી ગુમ થયો છે. ગુજરાતમાં રહેતા તેના પરિવારને પણ આ મામલે જાણ કરવામાં આવી છે.

કેનેડામાં વધુ એક વિદ્યાર્થી થયો ગુમ

પોલીસે શરૂ કરી શોધખોળ

ગુજરાતમાંથી હજારો વિદ્યાર્થીઓ કેનેડામાં અભ્યાસ માટે જઇ રહ્યાં છે, મોટી સંખ્યામાં અહીં ગુજરાતી વિદ્યાર્થીઓ જુદી જુદી યુનિવર્સિટીમાં અભ્યાસ કરી રહ્યાં છે. હવે અહીં વધુ એક વિદ્યાર્થી ગુમ થયો છે, પોલીસે તેનો ફોટો જાહેર કરીને શોધખોળ શરૂ કરી છે, તેની સાથે રહેતા અન્ય વિદ્યાર્થીઓની પૂછપરછ ચાલી રહી છે, સીસીટીવી પણ તપાસવામાં આવી રહ્યાં છે. ત્યારે વારંવાર બનતી આવી ઘટનાઓથી ગુજરાતમાં વાલીઓમાં ચિંતા વ્યાપી ગઇ છે.