Subscribe Now For Gujarat Post

Whatsapp
Sat,16 November 2024,4:18 am
Print
header

ઓનર કિલિંગ કેસ, પીડિતાએ કહ્યું મારા પતિને જે રીતે માર્યો છે તે જ રીતે મારા ભાઇની હત્યા કરવી છે- Gujarat Post

મારા ક્રૂર ભાઈએ મારા પતિને ત્યાં સુધી સળિયાથી માર્યો જ્યાં સુધી તેનું મગજ બહાર ન આવી ગયું- પીડિતા

હૈદરાબાદઃ એક હિંદુ યુવકની મુસ્લિમ યુવતી સાથે લગ્ન કરવા બદલ ક્રૂરતાથી હત્યા કરી દેવામાં આવી છે,ઘટના હૈદરાબાદના સરૂરનગરની છે, જ્યાં નાગરાજુની તેના સાળાએ રસ્તા પર સળિયા અને છરી વડે હુમલો કરીને હત્યા કરી નાખી હતી, આ ધરપકડ કરાયેલા બે આરોપીઓને શુક્રવારે 14 દિવસની ન્યાયિક કસ્ટડીમાં મોકલવામાં આવ્યાં છે. તેલંગાણાના રાજ્યપાલ તમિલિસાઈ સૌંદરરાજને આ કેસમાં રાજ્ય સરકાર પાસેથી વિગતવાર અહેવાલ માંગ્યો છે.

પીડિતાએ છે કે કહ્યું કે મારા ભાઈએ તેને ત્યાં સુધી સળિયાથી માર્યો જ્યાં સુધી તેનું મગજ બહાર ન આવ્યું. તેમને 15-20 મિનિટ સુધી માર્યા પરંતુ ત્યાં ઉભેલા લોકોમાંથી કોઈએ મદદ કરી નહીં.બધા દૂર ઉભા રહીને વીડિયો બનાવી રહ્યાં હતા, મારા પતિનો જીવ બચાવવા કોઈ આગળ ન આવ્યું. મેં મારા ભાઈને કહ્યું હતું કે જો અમને અલગ કરવા માંગતા હોવ તો હું તેને છોડી દઈશ, મારા રાજુને ન મારશો, હું તેમના પગમાં પડીને વિનંતી કરી છતાં મારો ભાઈ માન્યો નહીં. રાજુનું માથું ફોડ્યા પછી પણ તે જીવતો હોવાની શંકામાં તેને સતત મારતો રહ્યો અને 30-35 વખત સળિયા વડે માર માર્યો હતો.

પીડિતાએ કહ્યું કે અમે બંને એક જ ક્લાસમાં સાથે ભણતા હતા. 10 વર્ષથી એકબીજાને પ્રેમ કરતા હતા. 31મી જાન્યુઆરીએ અમારા લગ્ન થયા. અમારા લગ્નને માત્ર 3 મહિના થયા હતા. મારો ભાઈ લગ્નની વિરુદ્ધ હતો. તેને કહ્યું હતું કે તું મુસ્લિમ છે અને તે હિન્દુ. તું એની સાથે લગ્ન ન કરી શકે, જો તું આમ કરીશ તો બંનેને મારી નાખીશ.

લગ્ન પછી મને ડર હતો કે અમારા પર હુમલો થશે પરંતુ રાજુએ કહ્યું કે 1-2 વર્ષમાં બધું સારું થઈ જશે. જ્યારે હું મારી માતાને યાદ કરીને રડતી ત્યારે રાજુ મને કહેતો કે પરિવાર થોડા સમયમાં તારી પાસે પાછો આવશે. મેં મારી અમ્મીને નાગરાજુ વિશે કહ્યું હતું. મારા અબ્બુ નથી, તેથી જ અમ્મીએ કહ્યું કે નિર્ણય ભાઈ લેશે.તે દિવસે જ્યારે ભાઈને ખબર પડી તો તે ગુસ્સે થઈ ગયો અને મારપીટ કરી હતી

આટલું બધું થયા પછી અમે પરિવારના સભ્યોને જાણ કર્યાં વિના લગ્ન કરી લીધા અને સરૂરનગરમાં રહેવા લાગ્યા. મને ખબર નથી કે અમારા ભાઈએ અમને કેવી રીતે ઓળખ્યા. તે મારો ભાઈ છે અને હું તેની બહેન છું. મારા શરીરમાં એક જ લોહી છે, હું એટલો ગુસ્સે છું કે હું તેને રસ્તાની વચ્ચે મારી નાખવા માંગુ છું જેને મારા રાજને માર્યો છે.  હવે હું અહીં રહીને મારા પતિના પરિવારની સંભાળ રાખવા માંગુ છું. આ માટે સરકાર કે કોઈએ મને નોકરી અપાવવામાં મદદ કરવી જોઈએ.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Advertisement

Watch

Quick Link

Copyright © 2018-2024 Gujarat Post News.