ઝારખંડઃ પાકુરમાં એક ભયાનક માર્ગ અકસ્માતમાં 15 લોકોનાં મોત થઇ ગયા છે. સાહિબગંજથી દુમકા જઈ રહેલી બસ લિટ્ટીપાડા-અમદાપારા રોડ પર પેડરકોલા પાસે ગેસ સિલિન્ડરો ભરેલી ટ્રક સાથે અથડાઈ હતી. બસમાં 40થી વધુ લોકો સવાર હતા.આ અકસ્માતમાં લગભગ 20 લોકો ઘાયલ થયા છે. પાકુરના એસપીના જણાવ્યાં અનુસાર અત્યાર સુધીમાં 15 મૃતદેહો મળી આવ્યાં છે. બસની અંદરથી લોકોને બહાર કાઢવાની કામગીરી શરૂ કરવામાં આવી છે.
કૃષ્ણા રજત બસ અને એલપીજી સિલિન્ડરોથી ભરેલી ટ્રક વચ્ચેની ટક્કર એટલી જોરદાર હતી કે બંને વાહનોના ફુરચા ઉડી ગયા હતા. ઘણા લોકો બસની બહાર પડ્યા હતા. બસમાં બેઠેલા અનેક લોકો અંદર ફસાઈ ગયા હતા. બસની બોડી કાપીને મૃતદેહો બહાર કાઢવામાં આવી રહ્યાં છે. બસનો ડ્રાઈવર હજુ જીવિત છે. તે બસમાં ફસાઈ ગયો છે. સ્થાનિક લોકોએ જણાવ્યું કે અકસ્માતમાં મૃત્યુઆંક વધવાની આશંકા છે. હાલમાં માર્યા ગયેલા લોકોની ઓળખ થઈ શકી નથી. ઘાયલોને હોસ્પિટલમાં લઈ જવામાં આવ્યાં છે.
દુર્ઘટનાની માહિતી મળતા જ સ્થાનિક લોકો ઘટના સ્થળે પહોંચી ગયા હતા.વહીવટીતંત્ર અને પોલીસ પહોંચે તે પહેલા જ તેઓએ રાહત અને બચાવ કાર્ય હાથ ધર્યું હતું. અકસ્માત બાદ જિલ્લા પ્રશાસન અને પોલીસ પ્રશાસનના ઉચ્ચ અધિકારીઓની ટીમ પણ ઘટના સ્થળે પહોંચી ગઈ છે. ધુમ્મસને કારણે આ અકસ્માત થયો હોવાનો અંદાજ છે. ટ્રક ચાલકે સામેથી આવતી બસ જોઈ ન હતી. તેણે સીધી જ બસને ટક્કર મારી હતી.
સીએમ હેમંત સોરેને પાકુરમાં થયેલા માર્ગ અકસ્માત પર દુઃખ વ્યક્ત કર્યું છે. તેમણે લખ્યું કે પાકુરથી લિટ્ટીપારા-અમદાપરા રોડ અકસ્માતના હૃદયદ્રાવક સમાચારથી મારું હૃદય ખૂબ જ દુઃખી છે. ભગવાન મૃત આત્માઓને શાંતિ આપે, શોકગ્રસ્ત પરિવારોને આ દુઃખની ઘડી સહન કરવાની શક્તિ આપે.' મુખ્યમંત્રીએ ઘાયલોને યોગ્ય સારવાર આપવા માટે જિલ્લા પ્રશાસનને સૂચના આપી છે.
https://www.facebook.com/gujaratpostin
https://www.gujaratpost.in પર સૌથી ઝડપી સમાચાર
ગુજરાતના અન્ય તાજા સમાચારો માટે નીચેની લિંક પરો
.jpg)
ઝાંસી અગ્નિકાંડમાં મોટો ખુલાસોઃ આગ પર કાબૂ લેવાના સિલિન્ડર થઈ ગયા હતા એક્સપાયર- Gujarat Post | 2024-11-16 13:03:16
.jpg)
વૌઠાના મેળામાં પોલીસે ડ્રગ્સ અને ઓનલાઇન ફ્રોડ મામલે લોકોને કર્યાં જાગૃત, બે ખોવાયેલા બાળકોને પણ શોધી કાઢ્યાં | 2024-11-16 12:53:43
શું બાબા સિદ્દીકી કેસનો માસ્ટરમાઈન્ડ શ્રદ્ધા વૉકરની હત્યાનો બદલો લેવા માંગતો હતો ? Gujarat Post | 2024-11-16 12:18:22
NCB નું દિલ્હીમાં મોટું ઓપરેશન, અંદાજે 900 કરોડ રૂપિયાનું કોકેઇન જપ્ત કર્યું | 2024-11-16 11:16:00
ઝાંસી મેડિકલ કોલેજના NICU વોર્ડમાં લાગી આગ, 10 બાળકોનાં મોત, 37 નવજાતને બારી તોડીને બહાર કાઢવામાં આવ્યાં | 2024-11-16 09:27:08
Breaking News: PM મોદીના વિમાનમાં સર્જાઇ ખામી, દેવઘર એરપોર્ટ પર ઇમરજન્સી લેંન્ડિગ | 2024-11-15 16:05:39
ન્યુઝીલેન્ડના સાંસદ હાના રાવહીતીનું ગૃહમાં વિરોધ નૃત્ય....બિલની કોપી ફાડી નાખીને દર્શાવ્યો રોષ | 2024-11-15 14:07:40
Copyright © 2018-2024 Gujarat Post News.
Whatsapp
