Breaking News- હે ભગવાન....કચ્છમાં વાવાઝોડાના સંકટ વચ્ચે ભૂકંપનો આંચકો

Published By
gujaratpost.in
2023-06-14 18:12:12

ભૂજઃ એક તરફ બિપરજોયનું જોરદાર સંકટ અને બીજી તરફ ભૂકંપથી લોકોમાં ડરનો માહોલ છે, આવતીકાલે સાંજ સુધીમાં વાવાઝોડું કચ્છમાં ટકરાય તેવી આગાહી છે, આ બધાની વચ્ચે આજે અહીં ભૂકંપનો આંચકો આવ્યો છે.

વાવાઝોડાના સંકટ વચ્ચે કચ્છમાં ભૂકંપનો આંચકો

3.5 નો ભૂકંપનો આંચકો

ભૂકંપનું કેન્દ્રબિંદુ ભચાઉથી 5 કિ.મી દૂર

અહીં 3.5ની તીવ્રતાનો ભૂકંપ આવ્યો છે, જેનું કેન્દ્રબિંદુ ભચાઉથી 5 કિ.મી દૂર છે, સાંજે 5 વાગ્યેને 5 મીનિટે આ ભૂકંપ આવ્યો હતો, બીજી તરફ વાવાઝોડું સમુદ્રમાંથી જમીન તરફ આગળ વધી રહ્યું છે, અંદાજે 135 કિ.મીની ઝડપથી વાવાઝોડું આવી શકે છે, જેને લઇને તંત્ર દ્વારા કચ્છના 6 ગામો બંધ કરી દેવામાં આવ્યાં છે.

હાલમાં બિપરજોય જખૌથી 260 કિ.મી દૂર છે અને આવતીકાલે સાંજ સુધીમાં તે કચ્છના દરિયાઇ વિસ્તારોમાં પહોંચી શકે છે, ભારે પવન અને વરસાદની શરૂઆત થઇ ગઇ છે, લોકોને સલામત સ્થળે ખસેડવામાં આવ્યાં છે, ગાંધીનગરથી સીએમ ભૂપેન્દ્ર પટેલ સીધુ મોનિટરિંગ કરી રહ્યાં છે.