ખેડા અકસ્માતમાં મોટો ઘટસ્ફોટ, અકસ્માત ન હતો પરંતુ ચારેય યુવાનોની હત્યા કરાઇ હતી- Gujarat Post

Published By
gujaratpost.in
2022-03-20 09:39:26

ખેડા: નડિયાદ-ખેડા બાયપાસ હાઇવે પર 14 માર્ચે ગમખ્વાર અકસ્માત થયો હતો, તેની તપાસ કરતા મોટો ખુલાસો થયો છે. એક જ બાઇક પર સવાર ચાર યુવાનોના મોત નીપજ્યાં હતા. માતર પોલીસે આ અંગે તપાસ કરતા સીસીટીવી સામે આવ્યાં છે. જેમાં ચારેય યુવાનોની હત્યા કરાઇ હતી. મૃતકોના બાઇકને કારે ટક્કર મારીને તેમની હત્યા કરી હતી. માતર પોલીસે હત્યારાઓને કાર સાથે ઝડપી લીધી છે.

આ ચારેય મૃતક યુવાનો અમદાવાદના અમરાઈવાડી અને સીટીએમના રહેવાસી હતા. જીતેશ નોગિયા (23 વર્ષ), હરીશ રાણા (19 વર્ષ), નરેશ વણઝારા (22 વર્ષ), અને સુંદરમ યાદવ (16 વર્ષ) નો સમાવેશ થાય છે. માતર પોલીસે તપાસ કરતા સામે આવ્યું છે કે રતનપુર નજીકના નેશનલ હાઈવે નંબર-48 પર અમદાવાદ જતા વેસ્ટર્ન હોટેલ પાસે પાર્કિંગમાં ઉભેલા કન્ટેનર પાછળ મોટરસાયકલ ઘૂસી જવાને કારણે આ અકસ્માત સર્જાયો હોવાની વાત સામે આવી હતી.જેથી યુવકોના સ્થળે જ મોત થયા હતા. માતર પોલીસે આ મૃતકો પાસેથી પંચ અને તલવાર મળી આવ્યાં હતા. પોલીસને શંકા જતા તપાસ તેજ કરીને અકસ્માતમાં ખપાવી દેવામાં આવેલી હત્યાનો ભેદ ઉકેલાયો હતો. આ લોકોની હત્યા કરાઇ હતી, હાલમાં આ કેસમાં વધુ તપાસ હાથ ધરાઇ છે.