જુઓ વીડિયો, અલ્લાહ હમે મોદી દે દો....જાણો કેમ એક પાકિસ્તાની નાગરિકે કરી આવી વાત

Published By
gujaratpost.in
2023-02-24 09:55:08

ઇસ્લામાબાદઃ પાકિસ્તાનમાં સ્થિતિ સતત બગડી રહી છે. દેશમાં મોંઘવારી ઝડપથી વધી રહી છે. દરમિયાન યૂટ્યૂબર સના અમજદ દ્વારા પોસ્ટ કરવામાં આવેલો એક વીડિયો સતત વાયરલ થઇ રહ્યો છે. જેમાં યૂટ્યૂબર સાથે વાત કરતા એક નાગરિક કહી રહ્યો છે કે અલ્લાહ અમને મોદી આપે જે અમારા દેશને ઠીક કરી નાખશે. દેશમાં સતત વધી રહેલી મોંઘવારીથી વ્યક્તિ ખૂબ જ નારાજ છે અને તે કહી રહ્યો છે કે જો નરેન્દ્ર મોદીએ રાજ કર્યું હોત તો આટલી મોંઘવારીનો સામનો ન કરવો પડ્યો હોત.

વીડિયોમાં તે વ્યક્તિને એમ કહેતા સાંભળી શકાય છે કે, 1947માં આપણો દેશ ભારતથી અલગ ન થયો હોત તો સારું હતુ, જો આખો દેશ એક હોત તો આજે અમને ટામેટાં 20 રૂપિયા પ્રતિ કિલો, ચિકન 150 રૂપિયા પ્રતિ કિલોના ભાવે મળતા હોત. મોદી અમારા નેતાઓ કરતા સારા છે,અમે નવાઝ શરીફ, બેનઝીર ભુટ્ટો કે ઈમરાન ખાનને પણ નથી ઈચ્છતા. અમને મોદીને જોઇએ છે, જે આ દેશની ખોટી બાબતોને સીધી કરે છે.

તેમણે કહ્યું કે, "અમે સારું જીવન જીવવા માટે મોદીના શાસનને સ્વીકારવા તૈયાર છીએ." મોદી ખરાબ વ્યક્તિ નથી. ભારતના મુસલમાનો સુખી છે,જ્યારે અમે અમારા બાળકો માટે રાત્રે ભોજનની વ્યવસ્થા પણ કરી શકતા નથી, યૂટ્યુબર સના અમજદ અગાઉ પાકિસ્તાનના ઘણા મીડિયા હાઉસ સાથે કામ કરી ચૂકી છે. વાયરલ વીડિયોમાં શખ્સે ક્હ્યું કે પાકિસ્તાનથી ભાગી જાઓ અથવા ભારત જાવ'ના નારા રસ્તા પર કેમ લગાવવામાં આવી રહ્યાં છે.

હાલમાં જ પાકિસ્તાનમાં કથળેલી આર્થિક સ્થિતિ વચ્ચે તેના રક્ષામંત્રી ખ્વાજા આસિફે એક મોટુ નિવેદન આપ્યું હતુ. આસિફે કહ્યું હતું કે તેમનો દેશ નાદાર થઈ ગયો છે. તેમનું આ નિવેદન એવા સમયે આવ્યું છે જ્યારે પાકિસ્તાનને આઇએમએફ પાસેથી 7 અબજ ડોલરના રાહત પેકેજની અપેક્ષા હવે નહીવત છે. આસિફે સિયાલકોટમાં એક રેલી દરમિયાન કહ્યું હતું કે પાકિસ્તાન પહેલાથી જ ડિફોલ્ટ થઈ ચૂક્યું છે. હવે આ આર્થિક કટોકટી માટે રાજકારણીઓ અને અમલદારશાહીને દોષી ઠેરવવામાં આવી રહ્યાં છે.