મૈસૂર નજીક વડાપ્રધાન નરેન્દ્ર મોદીના ભાઈ પ્રહલાદ મોદીનો કાર અકસ્માત, પરિવારના 4 સભ્યો હતા સવાર

Published By
gujaratpost.in
2022-12-27 16:58:56

નવી દિલ્હીઃ વડાપ્રધાન નરેન્દ્ર મોદીના મોટાભાઈ પ્રહલાદ મોદીનો મૈસૂર નજીક કાર અકસ્માત થયો છે, મર્સિડીઝ બેંઝ ગાડીમાં પ્રહલાદ મોદી, તેમના પત્ની, પુત્ર, પૌત્ર અને પુત્રવધૂ બેંગલુરુથી બાંદીપુર જઇ રહ્યાં હતા. ત્યારે આ અકસ્માત થયો હતો, જેમાં પ્રહલાદ મોદી, તેમનાં પુત્રવધૂ અને પૌત્રને ઈજાઓ પહોંચી છે, તેમને મૈસુરુની જે.એસ. હોસ્પિટલમાં દાખલ કરવામાં આવ્યાં છે. તેમના પુત્ર અને ડ્રાઇવર સત્યાનારાયણને પણ સામાન્ય ઈજાઓ પહોંચી છે. પુત્રવધૂને આંખ અને દાઢી પાસે ઇજાઓ થઇ છે.

બાંદીપુર જતા રસ્તામાં કાર ડિવાઈડર સાથે ટકરાઈ હતી. આ ઘટનાના દ્રશ્યોમાં જોઈ શકાય છે કે કારના આગળના ભાગને ઘણું નુકસાન થયું છે. પ્રહલાદ મોદી ગુજરાત ફેર પ્રાઇસ શોપ્સ અને કેરોસિન લાઇસન્સ હોલ્ડર એસોસિયેશનના અધ્યક્ષ છે. પરિજનોના જણાવ્યાં અનુસાર આ અકસ્માત મૈસૂર પાસે થયો છે. હાલમાં ઘાયલોને ઓબ્ઝર્વેશન હેઠળ રાખવામાં આવ્યાં છે.