રશિયાના રાષ્ટ્રપતિ પુતિને પીએમ નરેન્દ્ર મોદીના કર્યાં વખાણ, જાણો શું કહ્યું ?

રશિયાઃ રાષ્ટ્રપતિ વ્લાદિમીર પુતિને મેક ઇન ઇન્ડિયા મિશન માટે વડાપ્રધાન નરેન્દ્ર મોદીની પ્રશંસા કરી છે. પીએમ મોદીની યુએસ મુલાકાત બાદ પુતિને મોદીની પ્રશંસા કરી હતી,પુતિને કહ્યું કે મોદી સરકારની 'મેક ઈન ઈન્ડિયા' પહેલની દેશની અર્થવ્યવસ્થા પર ઘણી અસર થઈ રહી છે. મોસ્કોમાં એક કાર્યક્રમમાં પુતિને પીએમ મોદીના વખાણ કર્યાં અને તેમને રશિયાના મહાન મિત્ર પણ ગણાવ્યાં હતા. પુતિને મોદીના વખાણ કર્યાં તેનું એક મોટું કારણ મોદીનું 'મેક ઇન ઇન્ડિયા'નું વિઝન છે. તે એટલું મજબૂત છે કે પુતિને પણ તેના ફાયદા જોયા છે. કારણ કે યુદ્ધ દરમિયાન ઘણી રશિયન કંપનીઓએ દેશ છોડી દીધો હતો.

જાણો રશિયાના રાષ્ટ્રપતિ પુતિન દ્વારા ભારતના પીએમ મોદીના વખાણ કરવા પાછળના મહત્વના કારણો શું છે

અમેરિકા સાથે ભારતની વધતી નિકટતા પુતિનની સમસ્યા

તાજેતરમાં પીએમ મોદી અમેરિકાની મુલાકાતે ગયા હતા. તેમનું અહીં ભવ્ય સ્વાગત થયું હતુ અનેક હસ્તીઓ મોદીને મળવા આવી હતી. બંને દેશો વિશ્વની મોટી લોકશાહી છે. અમેરિકા ભારતનું સૌથી મોટું વ્યૂહાત્મક ભાગીદાર છે. બંનેના આ સંબંધો ભારતને રશિયાથી દૂર ન કરી દે તેની ચિંતામાં પુતિને મોદી અથવા કહો કે ભારતની તરફેણમાં પ્રશંસાપાત્ર નિવેદનો આપ્યાં છે.

દુશ્મન પાકિસ્તાન સાથે ભારતની નિકટતા અવિશ્વાસને વધારી રહી હતી

ભારત અને રશિયા પરંપરાગત મિત્રો છે.પરંતુ ગયા વર્ષે ફેબ્રુઆરીમાં યુક્રેનમાં શરૂ થયેલા યુદ્ધ પછી વૈશ્વિક પરિસ્થિતિ ધરમૂળથી બદલાઈ ગઈ છે.રશિયા ભારતના દુશ્મન પાકિસ્તાનની નજીક આવી રહ્યું છે. પાકિસ્તાનને ક્રૂડ ઓઈલ પણ આપ્યું. રશિયાના મંત્રીએ પણ પાકિસ્તાનની મુલાકાત લીધી હતી. તે સ્વાભાવિક હતું કે દુશ્મનો સાથે ભારતની નિકટતાને કારણે રશિયા અને ભારત વચ્ચે પરસ્પર વિશ્વાસ ઘટી રહ્યો છે.

ભારત રશિયા પાસેથી હથિયારોનો મોટો જથ્થો ખરીદનાર છે, યુદ્ધને કારણે સપ્લાય નથી થઈ રહ્યો

રશિયાએ ભારતને હથિયારોની સપ્લાય ઓછી કરી છે.રશિયાનું યુક્રેન સાથેનું યુદ્ધ S-400, યુદ્ધ જહાજો અને અન્ય હથિયારોની સપ્લાયમાં મોટો અવરોધ બની રહ્યો છે. તેથી ભારત તેની સંરક્ષણ જરૂરિયાતો માટે યુએસ અને અન્ય યુરોપિયન દેશો તરફ વળ્યું છે. ભારતને અમેરિકા પાસેથી ખતરનાક ડ્રોન, પેટ્રિઅટ મિસાઈલ અને એવા હથિયારો મળી રહ્યાંં છે જેની મદદથી ભારત પોતાની બંને સરહદો પર સતર્કતા વધારી શકે છે. યુદ્ધને કારણે રશિયા આવા શસ્ત્રો પૂરા પાડવા સક્ષમ નથી. ભારે નુકસાન જોઈને પુતિને હવે ભારતના વખાણ કરવાનું શરૂ કરી દીધું છે. તેઓ નથી ઈચ્છતા કે ક્રૂડ ઓઈલ અને હથિયાર ખરીદનાર ભારત રશિયાથી દૂર જાય.

રશિયા અને અમેરિકામાં છત્રીસ આંકડા, ભારત ડેમેજ કંટ્રોલ કરવામાં સક્ષમ

અમેરિકા અને રશિયા વચ્ચે છત્રીસનો આંકડો છે. યુરોપિયન દેશો અને અમેરિકા દ્વારા લાદવામાં આવેલા આર્થિક પ્રતિબંધો બાદ રશિયાની હાલત નબળી પડી છે. જો નાટો દેશોના સંગઠન દ્વારા ભવિષ્યમાં રશિયા સાથે સામ-સામે મુકાબલો થાય તો આવી સ્થિતિમાં માત્ર ભારત જ રશિયાની મદદ કરી શકે છે. પીએમ મોદી ડેમેજ કંટ્રોલનું કામ કરી શકે છે જે પુતિન આ સારી રીતે જાણે છે.

ભારતીય પ્રશાંત ક્ષેત્રમાં રશિયા અને ચીનની સ્થિતિ

ભારતીય પેસિફિકમાં રશિયન યુદ્ધ જહાજો પણ તાજેતરમાં તાઇવાનના પ્રાદેશિક જળસીમામાં દેખાયા છે. ઈન્ડો-પેસિફિક ક્ષેત્રમાં ચીન અને રશિયા વચ્ચે વધતા ગઠબંધનના કારણે ભારતને એવું ન લાગવું જોઈએ કે રશિયા પણ તેના દુશ્મન સાથે મળીને કાર્યવાહી કરી શકે છે. પુતિન ખાતરી આપવા માંગે છે કે ભારત તેમનો ભાગીદાર અને મિત્ર છે. તે ચીનની કિંમતે ભારતને દગો નહીં આપે. રશિયા ભારતના આ અવિશ્વાસને પણ દૂર કરવાનો પ્રયાસ કરવા માંગે છે.

પુતિન મેક ઈન ઈન્ડિયામાંથી શીખવા માંગે છે

રશિયાના રાષ્ટ્રપતિ પુતિને ભારતના મેક ઇન ઇન્ડિયા કોન્સેપ્ટની પ્રશંસા કરી છે. વડાપ્રધાન નરેન્દ્ર મોદીએ થોડા વર્ષો પહેલા મેક ઇન ઇન્ડિયા પહેલના રૂપમાં એક તેજસ્વી ખ્યાલ રજૂ કર્યો હતો. આજે મોદીની આ પહેલની ભારતીય અર્થવ્યવસ્થા પર ખૂબ જ દેખીતી અસર થઈ છે અને ભારતીય ઉત્પાદનો વિશ્વમાં એક અલગ ઓળખ બનાવી રહ્યાં છે. વિદેશી કંપનીઓ પરની નિર્ભરતા ઘટી રહી છે. બીજી તરફ એમેઝોન, ગુગલ, માઇક્રોસોફ્ટ, નોકિયા, એપલ, મેકડોનાલ્ડ જેવી મોટી કંપનીઓએ યુદ્ધ વચ્ચે રશિયા છોડી દીધું છે. રશિયાને આનો માર સહન કરવો પડ્યો છે.તેની અર્થવ્યવસ્થા, રોજગાર અને બહારથી આવતા રોકાણ પર ખરાબ અસર પડી છે. એટલા માટે પુતિનને પીએમ મોદીનું વિઝન 'મેક ઇન ઇન્ડિયા' ઘણું પસંદ આવ્યું છે.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post