આશા અમર છે...ડ્રિલિંગ બંધ થઈ ગયું છે અને હવે કામદારો બહાર આવી શકશે

ઉત્તરકાશીઃ દિવાળીના દિવસથી ઉત્તરકાશીની નિર્માણાધીન સુરંગમાં ફસાયેલા 41 કામદારો બહાર આવવાની આશા છે. તેમને બહાર કાઢવાના તમામ પ્રયાસો કરવામાં આવી રહ્યાં છે પરંતુ દર વખતે મશીન અવરોધોનો સામનો કરી રહ્યું છે.આજે બચાવનો 14મો દિવસ છે.

જીઓ ફિઝિકલ ટેસ્ટ પણ કામ ન આવ્યો

શુક્રવારે ઓપરેશન સિલ્ક્યારા શરૂ કરતા પહેલા NHIDCL ને પાર્સન કંપનીના ભૂ-ભૌતિક નિષ્ણાતો દ્વારા ટનલનો કાટમાળ  મેપિંગ કરવામાં આવ્યો હતો, જેમાં જાણવા મળ્યું હતું કે આગામી 5 મીટર સુધી લોખંડ જેવો કોઈ અવરોધ નથી. જો કે, તેની મેપિંગ ફોર્મ્યુલા માત્ર 1.5 મીટર પછી નિષ્ફળ ગઈ હતી.

ઓગર ડ્રિલિંગમાં અવરોધને કારણે હવે મેન્યુઅલ કામગીરી હાથ ધરવામાં આવશે

ઓગર ડ્રિલિંગ મશીનની સામે વારંવારના અવરોધોને કારણે હવે મેન્યુઅલ કામગીરી હાથ ધરવામાં આવશે.મેન્યુઅલ ડ્રિલિંગમાં સમય લાગી શકે છે.

બે યોજનાઓ પર વિચારણા શરૂ થઈ

તમામ અપેક્ષાઓ વચ્ચે હવે એવી ચર્ચા છે કે ફસાયેલા મજૂરો દ્વારા અંદરથી નવ મીટરનો કાટમાળ હટાવવા પ્રયાસ કરવા જોઇએ. બીજો વિચાર એ છે કે બહારથી તમામ મશીનનો ઉપયોગ કરવાને બદલે કાટમાળ લોકો દ્વારા દૂર કરવાનું શરૂ કરવું જોઇએ. 

ફસાયેલા મજૂરો દ્વારા અંદરથી કાટમાળ હટાવવાની તૈયારી

આયર્ન બેરિયરને કારણે ઓગર મશીન લક્ષ્યથી નવ મીટર પહેલા અટકી ગયું. જે બાદ અડચણો કાપીને હટાવવાની કામગીરી શરૂ કરવામાં આવી હતી, પરંતુ અંદરથી નવ મીટરનો કાટમાળ કેમ હટાવવો તે અંગે પણ વિચારણા શરૂ થઈ હતી. જો આ યોજના કામ કરશે તો કામદારો બહાર આવી શકશે.

CMએ માતલી કેમ્પ ઓફિસમાં પડાવ નાખ્યો

ટનલમાં ફસાયેલા કામદારોની સુરક્ષા સુનિશ્ચિત કરવા માટે મુખ્યમંત્રી બુધવારથી માતલીમાં રોકાયા છે. સરકારી કામકાજ ખોરવાઈ ન જાય તે માટે મુખ્યમંત્રીની હંગામી કેમ્પ ઓફિસ માતલીથી જ કાર્યરત થઈ રહી છે. શુક્રવારે મુખ્યમંત્રીએ મહત્વની સરકારી ફાઈલો જોઈને તેનો નિકાલ કર્યો હતો. તેમણે માતલી તરફથી અધિકારીઓને જરૂરી નિર્દેશ પણ આપ્યાં હતા.સાંજે મુખ્યમંત્રી સિલ્કિયારા પહોંચ્યાં અને ત્યાં ચાલી રહેલા બચાવ અભિયાનનું નિરીક્ષણ કર્યું અને ઓપરેશનમાં લાગેલી ટીમ સાથે વાત કરી અને જરૂરી માહિતી લીધી હતી.

સેફ્ટી કેનોપી અને એસ્કેપ ટનલ પણ બનાવવામાં આવી છે

રાહત અને બચાવ કામગીરીમાં લાગેલા કામદારોની સુરક્ષા પર પણ વિશેષ ધ્યાન આપવામાં આવી રહ્યું છે. બચાવ સ્થળ પર પ્રી-કાસ્ટ આરસીસી બોક્સ કલ્વર્ટ અને હ્યુંમ પાઇપ દ્વારા સેફ્ટી કેનોપી અને એસ્કેપ ટનલ બનાવવામાં આવી છે. આ કોઈ પણ કટોકટીની સ્થિતિમાં ટનલની અંદર બચાવ કાર્યમાં રોકાયેલા લોકોને સલામત સ્થળાંતર સુનિશ્ચિત કરશે.સુરક્ષાને લગતી અન્ય વિશેષ સૂચનાઓ પર પણ ખાસ ધ્યાન આપવામાં આવી રહ્યું છે.

25 મીમી સળિયા અને લોખંડની પાઈપો ડ્રિલિંગમાં અવરોધ ઉભો કરે છે

આ વખતે ભૂસ્ખલનના કાટમાળમાં 25 એમએમના સળિયા અને લોખંડની પાઈપ ડ્રિલિંગમાં અડચણરૂપ બની છે. ઓગર મશીનની આગળના અવરોધો દૂર કરવાની કામગીરી શરૂ કરવામાં આવી રહી છે. તેમાં સાતથી આઠ કલાકનો સમય લાગે છે. ઓગરને દૂર કર્યાં પછી,એક ટીમ પાઇપમાં પ્રવેશી રહી છે અને ગેસ કટર વડે અવરોધોને કાપી રહી છે.

ઉમ્મીદનો એક વધારે દિવસ, ડ્રિલિંગ બંધ થઈ ગયું પરંતુ હવે કામદારો બહાર આવી શકશે

ઉત્તરકાશીની સિલ્ક્યારા ટનલમાં ફસાયેલા 41 મજૂરોને બચાવવા માટે અમેરિકન ઓગર મશીન શુક્રવારે સાંજે 24 કલાક પછી શરૂ થયું, પરંતુ 1.5 મીટર આગળ વધ્યા પછી લોખંડના અવરોધને કારણે તે લક્ષ્યથી 9 મીટર પહેલા અટકી ગયું હતું. બચાવ કામગીરીના 13માં દિવસે પણ કામદારો બહાર આવી શક્યા ન હતા.આજે 14માં દિવસે ફરી એકવાર કામદારો સલામત રીતે બહાર આવવાની આશા જાગી છે.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post