ફરી કોંગ્રેસ તૂટી....વિજાપુરના ધારાભ્ય સી.જે ચાવડાનું રાજીનામું

Published By
gujaratpost.in
2024-01-19 11:03:21

વિજાપુરના ધારાસભ્ય ચતુરજી જવાનજી ચાવડાનું રાજીનામું

વિધાનસભામાં કોંગ્રેસ પાસે હવે 15 ધારાસભ્યો

ગાંધીનગનઃ લોકસભાની ચૂંટણી પહેલા ભાજપનો ભરતી મેળો આગળ વધી રહ્યો છે અને એક પછી એક નેતાઓ કોંગ્રેસ અને આપ છોડી રહ્યાં છે, હવે કોંગ્રેસના સિનિયર નેતા અને વિજાપુરના ધારાસભ્ય સી.જે.ચાવડાએ ધારાસભ્ય પદેથી રાજીનામું આપી દીધું છે, તેમને વિધાનસભાના અધ્યક્ષ શંકર ચૌધરીને રાજીનામું આપ્યું છે અને તેઓ ગમે ત્યારે ભાજપમાં જોડાઇ શકે છે.

સી.જે.ચાવડા અગાઉ અમિત શાહ સામે ગાંધીનગર લોકસભાની ચૂંટણીમાં હાર્યાં હતા, તેઓ વર્ષોથી કોંગ્રેસ સાથે રહ્યાં છે, અધિકારીમાંથી નેતા બનેલા ચાવડા વિજાપુર વિધાનસભામાં જીત્યાં હતા, જો કે હવે તેઓ અનેક કાર્યકર્તાઓ સાથે ટૂંક સમયમાં જ કેસરિયો ધારણ કરી શકે છે, નોંધનિય છે કે થોડા દિવસો પહેલા પણ કોંગ્રેસના અનેક કાર્યકર્તાઓ ભાજપમાં જોડાઇ ગયા છે. વિસાવદરના આપના ધારાસભ્ય પદેથી ભૂપત ભાયાણીએ પણ રાજીનામું આપી દીધું છે, આમ લોકસભા પહેલા એક પછી એક નેતાઓ કોંગ્રેસ અને આપ છોડીને કેસરિયો કરી રહ્યાં છે.