- સાસણ ગીરથી વેકેશન માણી પરત ફરતી વખતે કાર ઝાડ સાથે અથડાઇ
- રાજકોટના માધાપર ચોકડી વિસ્તારના યુવક-યુવતીઓને નડ્યો અકસ્માત
રાજકોટ: ગોંડલ નજીક શ્રીનાથગઢ અને મોવિયા ગામ વચ્ચે ગમખ્વાર અકસ્માત સર્જાયો હતો. સાસણ ગીરથી રજાઓ માણીને કાર મારફતે રાજકોટ પરત ફરી રહેલા મિત્રોની કારને નડેલા અકસ્માતમાં યુવતીનું કમકમાટીભર્યું મોત નીપજ્યું હતું, જ્યારે અન્ય ચાર વ્યક્તિઓ ગંભીર રીતે ઇજાગ્રસ્ત થયા હતા. આ અકસ્માતમાં જીવ ગુમાવનાર યુવતી બીજું કોઈ નહીં, પરંતુ ભૂતકાળમાં ભારે ચર્ચામાં આવેલા અમિત ખૂંટ આપઘાત કેસની મુખ્ય કડી પૂજા રાજગોર હોવાનું સામે આવ્યું હતું.
