ગુજરાતના આ જહાજ પર મધ દરિયે ડ્રોનથી મોટો હુમલો, જાણો વધુ વિગતો

આ ડ્રોન હુમલામાં સવાર 13 ખલાસીઓનો બચાવ થયો છે, 2 ખલાસીઓ ઇજાગ્રસ્ત થતા તેમની સારવાર ચાલી રહી છે.આ જહાજમાં માંડવી અને સલાયાના 13 ખલાસીઓ હતા, જો કે સદનસીબે તમામનો બચાવ થયો છે. 

ઇરાનના અન્ય દેશો સાથે ચાલી રહેલા યુદ્ધમાં આ હુમલો થયો હોવાની આશંકા છે, અગાઉ પણ ભારતીય જહાજોને નિશાન બનાવ્યાંના અનેક કિસ્સા છે, ઇરાન અનેક દેશોના જહાજોને નિશાન બનાવી રહ્યું છે અને હવે ફરીથી ભારતીય જહાજ પર ડ્રોનથી હુમલો કરાયો છે.

નોંધનિય છે કે ઇરાન, અમેરિકા અને ઇઝરાયેલ જેવા દેશોના સંઘર્ષને કારણે દુનિયાભરના અનેક જહાજોને નિશાન બનાવાયા છે, હાલમાં થયેલા ભારતીય જહાજ પરના હુમલા મામલે ભારત સરકાર પણ તપાસ કરી રહી છે.