રાજકોટમાં બાબા બાગેશ્વરનું આગમન, દિવ્ય દરબાર સામે પાટીદાર અગ્રણીનો વિરોધ

બાબા બાગેશ્વરના રાજકોટ પગ મૂકતા પહેલાં જ પાટીદાર અગ્રણી પરષોત્તમ પીપળીયાએ એ-ડિવિઝન પોલીસ સ્ટેશન પહોંચીને બે અલગ-અલગ અરજીઓ સબમિટ કરી છે. આ સંદર્ભે તેમને પોલીસ દ્વારા હાજર રહેવા પણ જણાવવામાં આવ્યું હતું. પુરુષોત્તમ પીપળીયાએ જણાવ્યું કે, અમને હનુમાન કથા સામે કોઈ વાંધો નથી, કથા ચોક્કસપણે ચાલુ રહેવી જોઈએ. પરંતુ કથાના બહાના હેઠળ યોજાનારા કથિત દિવ્ય દરબારનો અમે સખત વિરોધ કરીએ છીએ.

તેમણે પોતાની અરજીમાં ધીરેન્દ્ર શાસ્ત્રીનો દિવ્ય દરબાર બંધ કરાવવાની માંગ કરી છે. આ સાથે જ તેમણે ઉમેર્યું કે, જેવી રીતે બાબાને પોલીસ સુરક્ષા આપવામાં આવે છે, તેવી જ રીતે આ કથિત ચમત્કારોનો પર્દાફાશ કરવા જનારા વિરોધીઓને પણ તંત્ર દ્વારા પૂરતી સુરક્ષા મળવી જોઈએ.

इलेक्ट्रिक गाड़ी से पूज्य सरकार का सौराष्ट्र आगमन, अभूतपूर्व स्वागत से हुआ अभिनंदन आज से तीन दिनों तक राजकोट में गूंजेगा राम-हनुमान नाम।#bageshwardhamsarkar#rajkot#gujarat#shrihanumantkatha#bageshwardham#acharyadhirendrakrishnashastri#divyadarbar… pic.twitter.com/HCVWfYe4K9

— Bageshwar Dham Sarkar (Official) (@bageshwardham)

છેલ્લા એક અઠવાડિયાથી સોશિયલ મીડિયા અને સ્થાનિક સ્તરે અંધશ્રદ્ધા ફેલાવવાના આક્ષેપો સાથે બાબાને ચેલેન્જ ફેંકવામાં આવી રહી હતી. આ તમામ વિવાદો વચ્ચે પંડિત ધીરેન્દ્ર કૃષ્ણ શાસ્ત્રીએ તમામ વિરોધીઓની ચેલેન્જનો સહર્ષ સ્વીકાર કર્યો છે અને સ્પષ્ટ કર્યું છે કે, જે લોકોને પણ કોઈ શંકા કે વિરોધ હોય તેઓ ખુલ્લા મને તેમના દરબારમાં આવી શકે છે.

રાજકોટની ધરતી પર ઉતરીને જ ધીરેન્દ્ર શાસ્ત્રીએ પોતાના વિરોધીઓને આકરા શબ્દોમાં જવાબ આપ્યો હતો. તેમણે જણાવ્યું કે, જે લોકો મારા વિશે ટિપ્પણી કરે છે, તેઓ ક્યારેય એવા લોકો પર ટિપ્પણી કેમ નથી કરતા જેઓ દેશને ગજવા-એ-હિન્દ બનાવવા માંગે છે ? જેઓ દેશમાં લવ જેહાદ ફેલાવે છે ? અમે તો દેશમાં થઈ રહેલું ધર્માંતરણ રોકી રહ્યાં છીએ. અમારા ઉપર એટલે ટિપ્પણીઓ થઈ રહી છે કારણ કે અમે હિન્દુ રાષ્ટ્ર બનાવવાની વાત કરીએ છીએ.

ટ્વીટ જુઓ ↗