Real Stories. Real Gujarat.
મ્યાઉં મ્યાઉં ડ્રગ્સ બનાવવાનો કાચો માલ મળ્યો
અંદાજે 6 પ્રકારના જુદા જુદા કેમિકલ જપ્ત કરાયા
અંકલેશ્વરઃ ફરી એક વખત દક્ષિણ ગુજરાતમાંથી ડ્રગ્સને લઇને મોટા સમાચાર સામે આવ્યાં છે. શહેરના ગડખોલ વિસ્તારમાં આવેલી ભાવના ફાર્મ સોસાયટીના એક મકાનમાં ડ્રગ્સ મામલે દિલ્હી અને સુરત DRI દ્રારા તપાસનો ધમધમાટ ચાલી રહ્યો છે.
દિલ્હી DRI ની ટીમ દ્વારા અહીંના એક મકાનમાં સર્ચ ઓપરેશન હાથ ધરાયું છે અને અહીથી લાખો રૂપિયાનો ડ્રગ્સનો જથ્થો મળ્યો છે.દિલ્હી DRI એ આ રેડમાં સુરત DRI ની ટીમને પણ સાથે રાખી છે.
ભાડે રાખવામાં આવેલા આ ઘરમાંથી તૈયાર કરાયેલા મેફેડ્રોન (MD) ડ્રગ્સ સહિતનો માલ કબ્જે કરાયો છે અને ડ્રગ્સ માફિયાઓની શોધખોળ થઇ રહી છે. પર પ્રાંતિય લોકો આ ઘરમાં રહેતા અને અહીં જ ડ્રગ્સની ફેક્ટરી બનાવી હતી.
