Real Stories. Real Gujarat.
ગાંધીનગરઃ ગુજરાત વિધાનસભાના ચોમાસું સત્રને લઈને એક મહત્વપૂર્ણ સમાચાર સામે આવ્યાં છે. રાજ્યપાલ દ્વારા વિધાનસભાના નવમા સત્રનું વિધિવત આહ્વાન કરવામાં આવ્યું છે. આ અંગેની સત્તાવાર જાણકારી વિધાનસભાના અધ્યક્ષ શંકરભાઈ ચૌધરી દ્વારા આપવામાં આવી છે.
ગુજરાત વિધાનસભાનું આ ચોમાસું સત્ર આગામી તારીખ 8 સપ્ટેમ્બરથી 10 સપ્ટેમ્બર દરમિયાન એમ કુલ ત્રણ દિવસ માટે યોજાશે.
આ ત્રણ દિવસીય ટૂંકા સત્ર દરમિયાન રાજ્ય સરકાર દ્વારા વિવિધ મહત્વના વિધેયકો (બિલ) ગૃહમાં રજૂ કરવામાં આવે તેવી શક્યતા છે.ઉપરાંત પ્રજાકીય પ્રશ્નો, સરકારી કામકાજ અને રાજ્યની વર્તમાન સ્થિતિ અંગે પણ ગૃહમાં ચર્ચા-વિચારણા કરવામાં આવશે. સત્ર ટૂંકું હોવાથી સત્તાપક્ષ અને વિપક્ષ બંને તરફથી વિવિધ મુદ્દાઓ પર ગૃહમાં ગરમાવો જોવા મળી શકે છે.
સત્રની સુચારુ કામકાજ વ્યવસ્થા અને સમયપત્રક નક્કી કરવા માટે ટૂંક સમયમાં કામકાજ સલાહકાર સમિતિની બેઠક પણ યોજાય તેવી સંભાવના છે.
