ગુજરાતના 33 તાલુકાઓમાં 24 કલાકમાં આટલો વરસાદ નોંધાયો, સુરત શહેરમાં અઢી ઇંચ વરસાદ ખાબક્યો

 24 કલાકમાં સૌથી વધુ વરસાદ સુરત શહેરમાં અઢી ઇંચ નોંધાયો છે. જ્યારે તાપી જિલ્લાના વાલોદમાં 2 ઇંચ, સુરતના કામરેજ અને માંગરોળમાં 1.65 ઇંચ, પલસાણામાં 1.34 ઇંચ, અરેઠમાં 1.26 ઇંચ વરસાદ નોંધાયો છે.

દક્ષિણ ગુજરાતના વલસાડના ઉમરગામમાં 1 ઇંચ, વલસાડના નાનાપોંઢામાં 1 ઇંચ, નવસારીના ચીખલીમાં પોણો ઇંચ અને વલસાડના પારડીમાં પોણો ઇંચ વરસાદ નોંધાયો છે. જૂનાગઢ, અમરેલી, ગીર સોમનાથ, દીવ, ભાવનગર, મહીસાગર, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ, વલસાડ તેમજ દમણ અને દાદરા-નગર હવેલીમાં હળવાથી મધ્યમ વરસાદની આગાહી કરવામાં આવી છે.

હવામાન વિભાગે 2થી 5 જુલાઈ દરમિયાન સમગ્ર ગુજરાતમાં વરસાદની આગાહી કરી છે. 3થી 5 જુલાઈએ દક્ષિણ ગુજરાતમાં અત્યંત ભારે વરસાદની સંભાવના વ્યક્ત કરી છે. સૌરાષ્ટ્ર, મધ્ય  ગુજરાતના અનેક વિસ્તારોમાં ભારેથી અતિભારે વરસાદની આગાહી કરી છે.