સાવધાન રહેજો વાલીઓ, ઇન્સ્ટાગ્રામ પર મિત્રતા કરીને 26 વર્ષનો યુવક 12 વર્ષની બાળકીને ભગાડી ગયો અને પછી...

ડીંડોલી પોલીસ સ્ટેશન વિસ્તારમાં રહેતી એક 12 વર્ષીય બાળકી મોબાઈલ અને ઇન્સ્ટાગ્રામનો ઉપયોગ કરતી હતી. દરમિયાન તેનો સંપર્ક તેનાથી 14 વર્ષ મોટી ઉંમરના અરમાન ઉર્ફે અમ્મુ રાજુ ખટીક (ઉંમર 26 વર્ષ) નામના યુવક સાથે થયો હતો.

આરોપી અરમાને શરૂઆતમાં બાળકી સાથે મિત્રતા કેળવી અને ત્યાર બાદ ગત 14 જૂનના રોજ તેને ફોસલાવીને સુરતથી અજમેર ભગાડી ગયો હતો. બાળકી અચાનક ગુમ થઈ જતાં પરિવારજનોમાં ભારે દોડધામ મચી ગઈ હતી અને મામલો પોલીસ સ્ટેશને પહોંચ્યો હતો.

આરોપી અરમાન 12 વર્ષની સગીરાને અજમેર લઈ ગયો હતો, ત્યાં તેની પર દુષ્કર્મ આચર્યું હતું. આ મામલે ડિંડોલી પોલીસે ગુનો નોંધી ગણતરીના સમયમાં આરોપી સામે પોક્સો અને અપહરણ સહિતની કલમો હેઠળ ગુનો નોંધી તેની ધરપકડ કરી લીધી હતી અને વધુ તપાસ હાથ ધરી છે.