નવા iPhones ની કિંમતોએ લોકોને ચોંકાવી દીધા, મજાકમાં કહ્યું, હવે આપણે કિડની સાથે લીવર પણ વેચવું પડશે !

મુંબઇઃ Apple એ તાજેતરમાં iPhone 18 શ્રેણી અને તેનો પહેલો ફોલ્ડેબલ ફોન, iPhone Duo લોન્ચ કરી દીધો છે, ભારતમાં તેની કિંમતો જોઈને વપરાશકર્તાઓ ચોંકી ગયા છે જાણે તેમને 440-વોલ્ટનો કરંટ લાગ્યો છે. સોશિયલ મીડિયા પર મીમ્સ બની રહ્યાં છે. જ્યાં લોકો મજાકમાં કહી રહ્યાં છે કે હવે નવા આઇફોન લેવા આપણે લીવર અને બંને કિડની વેચવી પડશે.

ભારતમાં iPhone 18 Pro ની શરૂઆતની કિંમત રૂ.1,64,900 છે, જ્યારે iPhone 18 Pro Max ની શરૂઆત રૂ. 1,79,900 થી થાય છે. iPhone Duo એ સૌથી મોટો આંચકો આપ્યો છે, બેઝ વેરિઅન્ટ (256GB) ની કિંમત રૂ. 2,99,900 છે. હાઇ-એન્ડ વેરિઅન્ટ રૂ. 4,49,900 સુધી જાય છે. ગયા વર્ષના iPhone 17 Pro ની સરખામણીમાં, Pro મોડેલની કિંમતમાં લગભગ 20-22 ટકાનો વધારો થયો છે.

નોંધનીય છે કે, iPhone 18 Pro, iPhone 18 Pro Max અને iPhone Duo ના લોન્ચ સાથે, Apple એ જૂના iPhone 17 અને iPhone 16 ની કિંમતોમાં પણ મોટો વધારો કર્યો છે. iPhone 17, iPhone Air, iPhone 17e અને iPhone 16 સહિતના જૂના મોડેલોનો ભાવ વધી ગયો છે.iPhone 17 હવે રૂ. 99,900 થયો છે, પહેલાં રૂ. 82,900 થી શરૂ થતો હતો,જ્યારે iPhone Air રૂ. 149,900 થઈ ગયો છે.