ACB ટ્રેપઃ ચાલ- ચલગતના દાખલા માટે રૂ. 500 ની લાંચ લેનારો ઉના પોલીસ સ્ટેશનનો GRD જવાન ઝડપાયો

ફરિયાદીના મિત્રને ચાલ-ચલગતનો દાખલો કાઢી આપવાના અવેજ પેટે આરોપી સંજય કરશનભાઈ મકવાણા (GRD) એ રૂ. 500 થી રૂ. 1000 ની લાંચની માંગણી કરી હતી. ફરિયાદી લાંચ આપવા માંગતા ન હોવાથી તેમણે આ અંગે એ.સી.બી.નો સંપર્ક કર્યો હતો. ફરિયાદને આધારે ઊના પોલીસ સ્ટેશનના ક્રાઇમ રાઇટરના રૂમમાં લાંચનું છટકું ગોઠવવામાં આવ્યું હતું. આરોપી લાંચની રકમ રૂ. 500 સ્વીકારતા રંગેહાથ પકડાઈ ગયો હતો.

એ.સી.બી. ટીમ 

ટ્રેપિંગ અધિકારી: બી.કે. ગમાર (પોલીસ ઈન્સ્પેક્ટર, પોરબંદર ACB પોલીસ સ્ટેશન તથા સ્ટાફ)

સુપરવિઝન અધિકારી: બી.કે. ગમાર (ઇન્ચાર્જ મદદનીશ નિયામક, એ.સી.બી., એકમ જૂનાગઢ)

ઇન્ચાર્જ અધિકારી: બળદેવસિંહ વાઘેલા (નાયબ નિયામક, એ.સી.બી. રાજકોટ)