ACB ટ્રેપઃ વલસાડમાં નશાબંધી અને આબકારી કચેરીના એક બાબુ આટલા રૂપિયાની લાંચ લેતા ઝડપાયા

ગુનાનું સ્થળ: વલસાડમાં આશિષ બિલ્ડીંગમા આવેલ ત્રીજા માળે નશાબંધી અને આબકારી અધિક્ષકની કચેરીની ગેલેરીમાં

આધારભૂત માહિતી મળેલી કે, નશાબંધી અને આબકારી અધિક્ષકની કચેરી ખાતે ફરજ બજાવતા અધિકારી- કર્મચારીઓ લીકર પરમીટ કાઢી આપવાના અવેજ પેટે રૂપિયા 5 હજારથી 10 હજારની લાંચ લે છે. જે હકિકતની ખરાઇ કરવા લાંચના ડિકોય છટકાનું આયોજન કરેલ. જે લાંચના ડિકોય વખતે સહકાર આપનારનો સહકાર મેળવી, લીકર પરમીટ કાઢવા માટે સહકાર આપનારે અરજી કરેલી. આ લીકર પરમીટ કાઢી આપવાના અવેજ પેટે આરોપીએ સહકાર આપનાર સાથે હેતુલક્ષી વાતચીત કરીને રૂ.10 હજારની માંગ કરી હતી. જે લાંચની રકમ લેતા આરોપી ઝડપાઇ ગયા છે.

ડીકોય કરનાર અધિકારી: જે.આર.ગામીત, પોલીસ ઇન્સ્પેક્ટર, વલસાડ અને ડાંગ એ.સી.બી. પો.સ્ટેશન, તથા એ.સી.બી. ટીમ 

સુપર વિઝન અધિકારી: આર.આર.ચૌધરી, મદદનીશ નિયામક, એ.સી.બી. સુરત એકમ

ઇન્ચાર્જ અધિકારી: બળદેવ દેસાઇ, IPS, નાયબ નિયામક, લાંચ રૂશ્વત વિરોધી બ્યુરો, વડોદરા