ભરૂચમાં વર્લ્ડ ટ્રેડ સેન્ટર સાઇટની દીવાલ મકાન પર ધસી પડી, પિતા-પુત્રનું મોત

આ ઘટનામાં 21 વર્ષીય આશિષ અશ્વિન વસાવા અને તેમના પિતા અશ્વિન વસાવાનું મોત થયું છે. જ્યારે પરિવારની બે મહિલાઓનો બચાવ થયો છે. ઘટનાને પગલે સમગ્ર વિસ્તારમાં શોકનો માહોલ છવાઇ ગયો છે. હાલ ઘટનાની પોલીસે તપાસ હાથ ધરી છે.

સ્થાનિકોએ માંગ કરી છે કે તેમને ઘર બનાવી આપવામાં આવે અને સહાય કરે. ઘરના મુખ્ય સભ્યોનું જ મોત થતા પરિવાર પર આભ ફાટી પડ્યું છે. તેમના ઘરમાં હવે માત્ર એક મહિલા અને દાદી જ બચ્યાં છે. જેઓ કોઈ કામ કરી શકે તેવી સ્થિતીમાં નથી.