સુરત બરબાદ થયા પછી સરકાર જાગી, ખાડી વિકાસ માટે રૂ 500 કરોડ મંજૂર કર્યાં

સુરતમાં વારંવાર સર્જાતી ખાડી પૂરની સમસ્યાના કાયમી ઉકેલ અને ખાડી ડેવલપમેન્ટના લાંબાગાળાના આયોજન માટે રાજ્ય સરકાર રૂ. 500 કરોડ ફાળવવાની જાહેરાત કરી હતી. ભારે વરસાદ અને પૂર દરમિયાન વહીવટી તંત્રમાં જે ક્ષતિઓ સામે આવી છે, તેનું ભવિષ્યમાં પુનરાવર્તન ન થાય તે માટે તંત્રને તાત્કાલિક એક્શન પ્લાન બનાવીને અમલમાં મૂકવા તાકીદ કરી છે.

સુરત અને આસપાસના વિસ્તારોમાં ભારે વરસાદથી સર્જાએલ પૂરની સ્થિતિ અંગે અલથાણ સ્થિત ઇન્ટિગ્રેટેડ કમાન્ડ એન્ડ કન્ટ્રોલ સેન્ટરમાં રિવ્યુ બેઠક યોજીને તંત્રની કામગીરીની વિસ્તૃત સમીક્ષા કરી.

અસરગ્રસ્ત વિસ્તારોમાં રાહત અને બચાવ કામગીરીની પ્રગતિ, નાગરિકોની સલામતી, પાણી ઓસર્યા બાદ સાફસફાઈ… pic.twitter.com/QjDQeLo3zG

— Bhupendra Patel (@Bhupendrapbjp)

તમામ વરસાદી અસરગ્રસ્તોને કેશ ડોલ્સ અને ઘરવખરી નુકસાનીની સહાય ચૂકવવા વહીવટી તંત્રને નિર્દેશ આપ્યાં હતા. પૂરના પાણી ઓસર્યા બાદ શહેરમાં સાફસફાઈ, રોગચાળો ન ફેલાય તે માટેના રોગ નિયંત્રણ પગલાં અને બચાવ કામગીરીની વિગતવાર સમીક્ષા કરવામાં આવી હતી.

મુખ્યમંત્રીએ કહ્યું કોઈ પણ કુદરતી આપત્તિ સમયે જનપ્રતિનિધિઓ અને અધિકારીઓ સેતુરૂપ બને તે જરૂરી છે. તમામ વિભાગો પરસ્પર સંકલન સાધીને કામ કરે. રાજ્ય સરકાર ચોમાસા દરમિયાન કોઈપણ વિકટ પરિસ્થિતિનો સામનો કરવા સુરત તંત્રની સાથે છે અને નાગરિકોની સુરક્ષા માટે કટિબદ્ધ છે.

સુરત મહાનગરપાલિકાની કચેરી ખાતે માનનીય મુખ્યમંત્રી શ્રી @Bhupendrapbjp જી તેમજ માનનીય કેન્દ્રીય મંત્રી શ્રી @CRPaatil જીની સહઉપસ્થિતિમાં વરસાદના કારણે સર્જાયેલ પરિસ્થિતિ અંગે સમીક્ષા બેઠક કરી. pic.twitter.com/EA8njQGfbH

— Harsh Sanghavi (@sanghaviharsh)

ટ્વીટ જુઓ ↗

ટ્વીટ જુઓ ↗