કોમર્શિયલ ગેસ સિલિન્ડરમાં રૂ. 993 નો તોતિંગ વધારો, રાહુલ ગાંધીએ કહ્યું- આ તો જનતાને મળેલું ચૂંટણી બિલ છે

દિલ્હીમાં જે સિલિન્ડર ₹2,078.50માં મળતું હતું, તેનો ભાવ હવે ₹3,071.50 થયો છે. ત્રણ મહિનામાં 81 ટકાનો ઉછાળો થયો છે. ફેબ્રુઆરીથી અત્યાર સુધીમાં કુલ ₹1,380નો વધારો થયો છે. રાહતની વાત એ છે કે 14.2 કિલોના ઘરેલું ગેસ સિલિન્ડરના ભાવમાં હાલ કોઈ ફેરફાર કરાયો નથી.

આ ભાવ વધારા બાદ રાહુલ ગાંધીએ સોશિયલ મીડિયા પ્લેટફોર્મ  X પર આકરા કટાક્ષ કર્યા છે. તેમણે લખ્યું કે, મેં અગાઉ જ ચેતવણી આપી હતી કે ચૂંટણી બાદ મોંઘવારી વધશે. આજે આટલો મોટો ભાવવધારો એ જનતાને અપાયેલું ચૂંટણી બિલ છે. પહેલા ગેસ પર સ્ટ્રાઇક કરવામાં આવી, હવે કદાચ પેટ્રોલ-ડીઝલનો વારો આવશે.

कह दिया था - चुनाव के बाद महंगाई की गर्मी आएगी।

आज कमर्शियल गैस सिलेंडर ₹993 महंगा। एक ही दिन में सबसे बड़ी बढ़ोतरी। यह चुनावी बिल है।

फरवरी से अब तक: ₹1,380 की बढ़ोतरी - सिर्फ़ 3 महीनों में 81% का इज़ाफ़ा।

चायवाला, ढाबा, होटल, बेकरी, हलवाई - हर किसी की रसोई पर बोझ बढ़ा। और…

— Rahul Gandhi (@RahulGandhi)

કોમર્શિયલ ગેસના ભાવમાં એકસાથે આટલો મોટો ભાવ વધારો થતા ખાણી-પીણીના ઉદ્યોગમાં ફફડાટ વ્યાપ્યો છે. હોટલ અને રેસ્ટોરન્ટ માલિકો પાસે હવે વાનગીઓના ભાવ વધારવા સિવાય કોઈ વિકલ્પ બચ્યો નથી, જેના કારણે બહાર જમવું હવે મધ્યમ વર્ગ માટે વધુ ખર્ચાળ સાબિત થશે.

ટ્વીટ જુઓ ↗