વિયેતનામમાં ભયંકર મોટી દુર્ઘટના, ભારતીય પ્રવાસીઓને લઇને જતી બોટ પલટી, 18 લોકોનાં મોત

ભારત સરકારની સ્થિતી પર નજર

હનોઈઃ ભારતીય દૂતાવાસના જણાવ્યાં મુજબ વિયેતનામના ફુ ક્વોક ટાપુ નજીક ભારતીય પ્રવાસીઓને લઈ જતી એક બોટ પલટી ગઈ હતી. રાહત અને બચાવની કામગીરી ચાલુ છે, સ્થાનિક અધિકારીઓ ઘટનાની સંપૂર્ણ વિગતો મેળવી રહ્યા છે. 32 લોકોને લઈ જઈ રહેલી સ્પીડ બોટ પલટી ગઈ હતી, જેમાથી 23ને દરિયાકાંઠે લાવવામાં આવ્યા છે, 18 લોકોનાં મોત થયા છે.

વિયેતનામના ફુ ક્વોક ટાપુ નજીક ભારતીય પ્રવાસીઓને લઈ જતી આ બોટ દુર્ઘટનાગ્રસ્ત થઇ હતી. ભારતના કોન્સ્યુલેટ જનરલ અને હનોઈમાં દૂતાવાસમાં કંટ્રોલ રૂમ શરૂ કરી દેવાયો છે અને બચાવ કામગીરી પર ભારત સરકારની નજર છે, મૃતકો મોટા ભાગના ભારતીયો છે, તેમના મૃતદેહો પાણીમાંથી બહાર કાઢવામાં આવ્યાં છે. હજુ અનેક લોકો લાપત્તા છે, જેમની શોધખોળ થઇ રહી છે.