પીએમઓએ ટ્વિટ કરીને જણાવ્યું છે કે વડાપ્રધાને શોકગ્રસ્ત પરિવારો પ્રત્યે સંવેદના વ્યક્ત કરી ઈજાગ્રસ્તો ઝડપથી સાજા થાય તેવી પ્રાર્થના કરી છે, તેમજ સ્થાનિક તંત્ર પ્રભાવિતોને તમામ શક્ય મદદ પૂરી પાડી રહ્યું હોવાનું જણાવ્યું છે. ઉપરાંત, PM રાષ્ટ્રીય રાહત ફંડ માંથી પ્રત્યેક મૃતકના વારસદારોને 2 લાખ રૂપિયા અને ઈજાગ્રસ્તોને 50,000 ની આર્થિક સહાય આપવાની જાહેરાત કરવામાં આવી છે.
ભૂપેન્દ્ર પટેલ સોશિયલ મીડિયા પર લખ્યું, અમદાવાદમાં ફટાકડાની ફેક્ટરીમાં સર્જાયેલી દુર્ઘટનાના સમાચાર અત્યંત દુઃખદ છે. આ અકસ્માતમાં જીવ ગુમાવનારા મૃતકોના આત્માને ઈશ્વર શાંતિ આપે તેવી પ્રાર્થના કરું છું. તેમના પરિવારજનો પ્રત્યે મારી ઊંડી સંવેદના વ્યક્ત કરું છું. સ્થાનિક તંત્ર દ્વારા પ્રભાવિતોને તમામ જરૂરી મદદ અને સારવાર પૂરી પાડવામાં આવી રહી છે. દુર્ઘટનામાં ઈજાગ્રસ્ત થયેલા નાગરિકો ઝડપથી સ્વસ્થ થાય તેવી પ્રભુ ચરણોમાં પ્રાર્થના. રાજ્ય સરકાર મૃતકોના પરિવારજનોને રૂ. 4 લાખ અને ઈજાગ્રસ્તોને રૂ. 50,000 ની સહાય કરશે.
આ ફેક્ટરી વસ્ત્રાલ RA કેમ્પના પાછળના ભાગે જ આવેલી હોવાથી, ધડાકાનો અવાજ સાંભળતાની સાથે જ RAF ના જવાનો તાત્કાલિક ઘટના સ્થળે દોડી ગયા હતા. ફાયર બ્રિગેડની ટીમ પહોંચે તે પહેલાં જ જવાનોએ બચાવ કામગીરી શરૂ કરી દીધી હતી અને ફેક્ટરીમાં ફસાયેલા તેમજ ઈજાગ્રસ્ત લોકોને બહાર કાઢ્યા હતા. ઘટનાની જાણ થતાં જ ફાયર બ્રિગેડની 5 થી વધુ ગાડીઓ ઘટનાસ્થળે પહોંચી ગઈ હતી અને ભારે જહેમત બાદ આગ પર કાબૂ મેળવી હાલ કુલિંગ પ્રોસેસ શરૂ કરી છે.
અમદાવાદમાં ફટાકડાની ફેક્ટરીમાં સર્જાયેલી દુર્ઘટનાના સમાચાર અત્યંત દુઃખદ છે. આ અકસ્માતમાં જીવ ગુમાવનારા મૃતકોના આત્માને ઈશ્વર શાંતિ આપે તેવી પ્રાર્થના કરું છું. તેમના પરિવારજનો પ્રત્યે મારી ઊંડી સંવેદના વ્યક્ત કરું છું.
સ્થાનિક તંત્ર દ્વારા પ્રભાવિતોને તમામ જરૂરી મદદ અને સારવાર…
— Bhupendra Patel (@Bhupendrapbjp)
દુર્ઘટનાના પગલે ઈજાગ્રસ્તોને તાત્કાલિક સારવાર માટે સિવિલ અને એલ.જી. હોસ્પિટલમાં ખસેડવામાં આવ્યાં હતા. ઘટનાની ગંભીરતાને જોતા અમદાવાદના મેયર હિતેશ બારોટ અને અમદાવાદ મ્યુનિસિપલ કોર્પોરેશનના ફાયરબ્રિગેડના ઉચ્ચ અધિકારીઓ તાત્કાલિક ઘટનાસ્થળે દોડી આવ્યા હતા. પોલીસ તંત્ર તરફથી ઝોન 8 ના DCP મયુર પાટીલ અને સેક્ટર 2 ના JCP જયપાલસિંહ રાઠોડ પણ કાફલા સાથે સ્થળ પર પહોંચી ગયા હતા. પ્રાથમિક તપાસમાં સામે આવ્યું છે કે આ ફેક્ટરી મેહુલ ડોડીયા નામના વ્યક્તિની છે, જે હાલ ગેરકાયદેસર ફેક્ટરી ચલાવતો હતો. બ્લાસ્ટની ઘટના બાદ ફેક્ટરી માલિક મેહુલ ડોડીયા હાલ ફરાર થઈ ગયો છે અને પોલીસ તેને પકડવા ચક્રો ગતિમાન કર્યા છે.
ટ્વીટ જુઓ ↗
