Real Stories. Real Gujarat.
ગાંધીનગરઃ લાખો રૂપિયાનો પગાર પણ આ અધિકારીને ઓછો પડતો હતો, જેથી 5 લાખ રૂપિયાની લાંચ લીધી અને એસીબીના હાથે રંગેહાથ ઝડપાઇ ગયા.
ઉર્જા વિભાગ વિદ્યુત નિરીક્ષક કચેરીના ક્લાસ-1 ઓફિસર એ.બી. ચૌધરી પાસેથી એસીબીની ટીમે 5 લાખ રૂપિયા રિકવર કર્યાં છે. ફરિયાદી પાસે સોલર પેનલની મંજૂરી માટે આ લાંચ લેવામાં આવી હતી અને ત્યાર બાદ એસીબીએ આ ઓપરેશન પાર પાડ્યું છે.
એસીબીનું મોટું ઓપરેશન
- અમદાવાદ અને સુરતના નિવાસસ્થાને ACBના દરોડા
- રૂ. 1 કરોડથી વધુ રોકડ અને દાગીના મળ્યાં
- કારમાંથી 5 લાખ 51 હજાર રૂપિયા અને ગિફ્ટ વાઉચર મળ્યાં
- ગાંધીનગર અને સુરતના મકાનમાંથી 1 કરોડ 70 લાખ રોકડ મળી
- સોનાની લગડી સહિત દાગીના મળ્યાં
- કુલ 2 કરોડ 64 લાખની મત્તા જપ્ત
100 થી વધુ ફાઈલોમાં કૌભાંડની શક્યતા
આરોપી અશ્વિન ચૌધરીએ કોઈ પણ પ્રકારની તપાસ કર્યા વગર અત્યાર સુધીમાં સોલાર પ્રોજેક્ટની અંદાજે 100 જેટલી ફાઈલો મંજૂર કરી હોવાનું ચર્ચાઇ રહ્યું છે. હજુ આ કેસમાં એસીબી ઉંડી તપાસ કરશે તો લાખો રૂપિયાનો ભ્રષ્ટાચાર ઉજાગર થશે તે નક્કિ છે.
