મોંઘવારીથી થોડી રાહત: કોમર્શિયલ LPG સિલિન્ડરના ભાવમાં નોંધપાત્ર ઘટાડો, જાણો નવા દર

દિલ્હીમાં 19 કિલોગ્રામના કોમર્શિયલ સિલિન્ડરની કિંમતમાં રૂ. 202 નો ઘટાડો કરવામાં આવ્યો છે. તે હવે રૂ. 2,728 માં ઉપલબ્ધ થશે, જે પહેલા રૂ. 2,930 હતું. કોલકાતામાં, કિંમતમાં રૂ. 209 નો ઘટાડો કરવામાં આવ્યો છે, જેના કારણે ત્યાં સિલિન્ડર રૂ. 2,872.50 માં ઉપલબ્ધ થશે.

પટણામાં કોમર્શિયલ સિલિન્ડરની કિંમત 209 રૂપિયા ઘટાડીને 3,018 રૂપિયા કરવામાં આવી છે. લખનઉમાં, તે હવે 2,860.50 રૂપિયામાં ઉપલબ્ધ થશે, જે પહેલા 3,052.50 રૂપિયા ભાવ હતો.

આ ઘટાડાથી રેસ્ટોરાં, હોટલ અને ચાના સ્ટોલ માલિકોને ફાયદો થશે જેઓ કોમર્શિયલ સિલિન્ડરનો ઉપયોગ કરે છે.

ઘરેલુ LPG સિલિન્ડરના ભાવ યથાવત રહેશે. 14.2 કિલોગ્રામનું ઘરેલું સિલિન્ડર દિલ્હીમાં રૂ. 942, કોલકાતામાં રૂ. 968, મુંબઈમાં રૂ. 941.50 અને ચેન્નાઈમાં રૂ. 957.50માં ઉપલબ્ધ છે.