દિલ્હીમાં સત્ય નિકેતન ઇમારત ધરાશાયી, મૃત્યુઆંક 6 એ પહોંચ્યો, ઘટનાના સીસીટીવી આવ્યાં સામે

#WATCH | Delhi: CCTV footage from the building collapse site in Satya Niketan of Delhi's South-West district. Six people have lost their lives.

(Source: Local Resident) pic.twitter.com/7MtDbb3pJF

— ANI (@ANI)

11 લોકોને બચાવી લેવામાં આવ્યાં

પ્રાપ્ત માહિતી અનુસાર, અત્યાર સુધીમાં 11 લોકોને બચાવી લેવામાં આવ્યાં છે. ફસાયેલા લોકોને શોધવાના પ્રયાસો ચાલુ છે. MCD એ જે શેરીમાં અકસ્માત થયો હતો તે શેરીમાં જર્જરિત ઇમારતોને નોટિસ જારી કરી છે. 

દિલ્હી મ્યુનિસિપલ કોર્પોરેશન (MCD) અનુસાર, તૂટી પડેલી ઇમારતને P-14, સત્ય નિકેતન તરીકે ઓળખવામાં આવી છે. તે પુનર્વસન વસાહતનો ભાગ છે અને લગભગ 55 ચોરસ યાર્ડ વિસ્તારને આવરી લે છે. આ મિલકતમાં ભોંયરું, ગ્રાઉન્ડ ફ્લોર અને ચોથા માળ સુધીના માળ છે. આ ઇમારત 1990 ના દાયકામાં બનેલી હતી. મિલકતના બુકિંગ અથવા સીલિંગનો કોઈ રેકોર્ડ નથી. મિલકત પર થયેલા કોઈ પણ કામ અંગે કોઈ ફરિયાદ મળી નથી.

ચાર માળથી ઉપરના તમામ ગેરકાયદેસર બાંધકામોને તાત્કાલિક સીલ કરવામાં આવશે: દિલ્હી મેયર

દિલ્હીના મેયર પરવેશ વાહીએ એક નિવેદન બહાર પાડ્યું હતુ, મેયરે કહ્યું, સત્ય નિકેતન ઇમારત ધરાશાયી થવા માટે જવાબદાર લોકોને કોઈપણ સંજોગોમાં છોડવામાં આવશે નહીં. ચાર માળથી ઉપરના તમામ ગેરકાયદેસર બાંધકામોને તાત્કાલિક સીલ કરવામાં આવશે અને દોષિત અધિકારીઓ સામે કડક કાર્યવાહી કરવામાં આવશે, જેના પરિણામે તેમને તાત્કાલિક બરતરફ કરવામાં આવશે. આ આદેશોનો તાત્કાલિક અસરથી અમલ કરવામાં આવશે.

મુખ્યમંત્રી રેખા ગુપ્તાએ ઘટનાની મેજિસ્ટ્રેટ તપાસના આદેશ આપ્યાં

મુખ્યમંત્રી રેખા ગુપ્તાએ ઘટનાની મેજિસ્ટ્રેટ તપાસના આદેશ આપ્યાં છે. ઇમારતના માલિક સામે FIR દાખલ કરવાના નિર્દેશ આપવામાં આવ્યાં છે. મુખ્યમંત્રી રેખા ગુપ્તાએ જણાવ્યું કે આ ગંભીર ઘટના માટે જવાબદાર કોઇ પણ વ્યક્તિ સામે કડક  કાર્યવાહી કરવામાં આવશે.

ટ્વીટ જુઓ ↗