શું દેશમાં ફરીથી લાગશે લોકડાઉન ? PM મોદીની અપીલ બાદ વહેતી થયેલી અટકળો પર શું કરાઈ સ્પષ્ટતા ?

મંત્રીએ જણાવ્યું હતું કે વડાપ્રધાનની અપીલનો હેતુ કોઈ ભય ફેલાવવાનો નથી, પરંતુ વૈશ્વિક આર્થિક ફટકાથી ભારતની અર્થવ્યવસ્થાને બચાવવાનો છે. સરકાર યુદ્ધની સ્થિતિને લઈને સતર્ક છે અને તેના ભાગરૂપે રસોઈ ગેસનું ઉત્પાદન પ્રતિદિવસ 35,000 ટનથી વધારીને 54,000 ટન સુધી કરી દેવામાં આવ્યું છે.

સરકાર દ્વારા દેશના વિદેશી હુંડિયામણને બચાવવા માટે નાગરિકોને કેટલીક મહત્ત્વની સલાહ આપવામાં આવી છે. જેમાં પેટ્રોલ-ડીઝલનો વપરાશ ઘટાડવા માટે મેટ્રો, કારપૂલિંગ અને ઈલેક્ટ્રિક વાહનોનો વધુ ઉપયોગ કરવો. જરૂર જણાય ત્યાં કર્મચારીઓને ઘરેથી કામ કરવાની સલાહ અપાઈ છે, જેથી રસ્તા પર વાહનોનું ભારણ ઘટે. ઉપરાંત આગામી એક વર્ષ સુધી સોનાની ખરીદી ટાળવા અને બિનજરૂરી વિદેશ પ્રવાસ ન કરવા આહવાન કરાયું છે. ક્રૂડની સાથે ખાદ્ય તેલનો વપરાશ ઘટાડવા અને પ્રાકૃતિક ખેતીને પ્રોત્સાહન આપવા પર ભાર મૂકવામાં આવ્યો છે.

મંત્રી પુરીના જણાવ્યાં અનુસાર, આ એક વેક અપ કોલ છે. આ સમય ડરવાનો નથી પરંતુ એક જાગૃત નાગરિક તરીકે ઈંધણ અને વિદેશી વસ્તુઓ પરની નિર્ભરતા ઘટાડીને આત્મનિર્ભર ભારત અભિયાનમાં સહયોગ આપવાનો છે.