પ.બંગાળ, આસામમાં જીત પર પીએમ મોદીનો હુંકાર, ગંગોત્રીથી ગંગાસાગર સુધી કમળ ખીલ્યું, લોકો વિકાસ જ ઇચ્છે છે

આજે હું દરેક ભાજપ કાર્યકરની ખુશીમાં ભાગીદાર છું: મોદી

મોદીએ કહ્યું, એક કાર્યકર તરીકે, હું દરેક ભાજપ કાર્યકરના આનંદમાં સહભાગી છું. આજનો દિવસ ઘણી રીતે ખાસ છે. દેશ માટે ઉજ્જવળ ભવિષ્યની જાહેરાતનો દિવસ છે. આ વિશ્વાસનો દિવસ છે. 
 
અગાઉ પ્રધાનમંત્રી મોદીએ ટ્વિટર પર પોસ્ટ કરીને પશ્ચિમ બંગાળના લોકોનો આભાર વ્યક્ત કર્યો હતો. તેમણે લખ્યું, પશ્ચિમ બંગાળમાં કમળ ખિલ્યું છે. 2026 ની પશ્ચિમ બંગાળ વિધાનસભા ચૂંટણી હંમેશા યાદ રાખવામાં આવશે. લોકોની શક્તિનો વિજય થયો છે. લોકોએ સુશાસનના રાજકારણમાં પોતાનો વિશ્વાસ વ્યક્ત કર્યો છે. હું પશ્ચિમ બંગાળના દરેક નાગરિકને સલામ કરું છું. લોકોએ ભાજપને પ્રચંડ જનાદેશ આપ્યો છે, હું તેમને ખાતરી આપું છું કે અમારી પાર્ટી પશ્ચિમ બંગાળના લોકોના સપના પુરા કરવા બધું જ કરશે.