બહામાસમાં વિમાન દુર્ઘટનામાં 10 લોકોનાં મોત, સ્વતંત્રતા દિવસની ઉજવણી કરી રહ્યાં હતા લોકો

લોકો 53 મી સ્વતંત્ર દિવસની ઉજવણી કરી રંહ્યા હતા

વડાપ્રધાન ફિલિપ બ્રેવ ડેવિસે વિમાન દુર્ઘટનામાં મોત થયેલા લોકો પ્રત્યે શોક વ્યક્ત કર્યો હતો અને કહ્યું કે લોકો બહામાસની સ્વતંત્રતા દિવસની 53મી વર્ષગાંઠની ઉજવણી કરી રહ્યાં હતા. આ દિવસ હવે શોકનો દિવસ બની ગયો છે. જે પરિવારોને એ દુઃખદ સમાચાર મળ્યાં છે તે પરિવારો પ્રત્યે અમે અમારી ઊંડી સંવેદના વ્યક્ત કરીએ છીએ. બહામાસ એરક્રાફ્ટ એક્સિડેન્ટ ઇન્વેસ્ટિગેશન ઓથોરિટીએ જણાવ્યું કે નાસાઉના લિન્ડેન પિંડલિંગ ઇન્ટરનેશનલ એરપોર્ટથી ઉડાન ભર્યા પછી સાન એન્ડ્રોસ જતા સમયે વિમાન ક્રેશ થયું હતું. તેમણે વિમાનને બહામાસ-રજિસ્ટર્ડ સેસ્ના 402 તરીકે ઓળખાવ્યું છે.

વિમાનમાં આગ લાગવાથી અકસ્માત થયો

ઉડ્ડયન મંત્રાલયે જણાવ્યું કે ફ્લેમિંગો એરના એર ઓપરેટર પ્રમાણપત્રને સસ્પેન્ડ કરવું એ ફક્ત સલામતીના ધોરણે લેવામાં આવેલું પગલું હતુ. અધિકારીઓ અકસ્માતના કારણની તપાસ કરી રહ્યા છે. શુક્રવારે બનેલી બે ઘટનાઓને કારણે આ સસ્પેન્ડ કરવામાં આવ્યું હતું. પ્રથમ ઘટના  ફ્લેમિંગો એરના વિમાન સાથે બની હતી. વિમાન માયાગુઆના જઈ રહ્યું હતું ત્યારે પાઇલટે કોઈ સમસ્યાની જાણ કરી અને વિમાનને પાછું નાસાઉ તરફ વાળ્યું હતું. વિમાન ઉતર્યા બાદ અને મુસાફરો નીચે ઉતરી ગયા પછી તેમાં આગ લાગી હતી. તે ઘટનાની પણ તપાસ ચાલી રહી છે.