10 વર્ષની જેલની સજા, રૂ.10 કરોડનો દંડ... પેપર લીક સામેના નવા કડક કાયદાને કેબિનેટની મંજૂરી

વડાપ્રધાન મોદીએ એક વીડિયો સંદેશ જાહેર કર્યો હતો

આ પહેલાં ગુરુવારે વડાપ્રધાન મોદીએ પેપર લીક સંબંધિત મુદ્દાઓ પર વાત કરતો એક વીડિયો શેર કર્યો હતો. તેમાં તેમણે કહ્યું હતું કે, પેપર લીક એ કોઈ સામાન્ય બાબત નથી. તેનાથી લાખો વિદ્યાર્થીઓ અને તેમના વાલીઓને માનસિક તણાવ અને મુશ્કેલીનો સામનો કરવો પડે છે. તેથી જ, પેપર લીકની સમસ્યાનો સામનો કરવા માટે છેલ્લા અઢી મહિનામાં અનેક પગલાં લેવામાં આવ્યા છે. ગુનેગારોને પકડી લેવામાં આવ્યાં છે અને તેઓ જેલમાં છે. વિદ્યાર્થીઓનું શૈક્ષણિક વર્ષ ન બગડે તે સુનિશ્ચિત કરવાની અમારી જવાબદારી હતી, તેથી અમે ટૂંકા ગાળામાં 22 લાખ વિદ્યાર્થીઓ માટે પરીક્ષાઓ યોજી. 19 જુલાઈએ પરિણામો જાહેર કરવામાં આવ્યા હતા. જો કે, અમે માત્ર આટલાથી સંતુષ્ટ નથી. તેથી જ ફાસ્ટ-ટ્રેક કોર્ટની સ્થાપના કરવા માટે સૂચનાઓ આપવામાં આવી છે.

27 જુલાઈએ ખરડો રજૂ થવાની શક્યતા

સ્પશિયલ કોર્ટમાં પેપર લીક કેસની કાર્યવાહી વધુમાં વધુ ત્રણ સુનાવણીમાં પૂર્ણ કરવાની રહેશે. આ ખરડો 27 જુલાઈએ ગૃહમાં રજૂ કરવામાં આવી શકે છે. અગાઉ, શુક્રવારે પેપર લીકના મુદ્દે બંને ગૃહોમાં ભારે હોબાળો થયો હતો, જેના પગલે લોકસભા અને રાજ્યસભાની કાર્યવાહી રવિવાર સુધી સ્થગિત કરવામાં આવી હતી.