સનસનીખેજ અકસ્માત, ટાટા સુમો પર પથ્થર પડવાથી 13 લોકોનાં મોત, 2 લોકો ઘાયલ

પ્રાથમિક માહિતી મુજબ, વાહનમાં ડ્રાઈવર સહિત લગભગ 14 લોકો સવાર હતા. આ ઘટનામાં 13 લોકોનાં મોત થયાં છે. જાણવા મળ્યું છે કે તમામ મુસાફરો ટિંડી ખાતે રોકાયા હતા, કારણ કે અગાઉના દિવસે ઉદેપુર-કિલાર રોડ બંધ કરી દેવામાં આવ્યો હતો

શુક્રવારે રસ્તો ખૂલ્યા બાદ વાહન પાંગી જવા રવાના થયું હતું, પરંતુ કાડુનાલા નજીક પહાડી પરથી અચાનક ભારે કાટમાળ અને પથ્થરો પડવાથી એક ટેક્સી તેની ઝપેટમાં આવી ગઈ હતી. આ ઘટના બાદ તરત જ બોર્ડર રોડ્સ ઓર્ગેનાઈઝેશન (BRO) ના જવાનોએ બચાવ કામગીરી શરૂ કરી હતી.

વહીવટીતંત્રે મૃતકોની ઓળખ અંગે હજુ સુધી સત્તાવાર પુષ્ટિ કરી નથી. અકસ્માતના સમાચાર મળતાં જ લાહૌલ પોલીસ, ટિંડી પોલીસ સ્ટેશન, ઉદયપુર વહીવટીતંત્ર, જિલ્લા ડેપ્યુટી કમિશનર અને પોલીસ અધિક્ષક સહિતની વિવિધ એજન્સીઓની ટીમો ઘટનાસ્થળે પહોંચીને બચાવ કામગીરી હાથ ધરી છે.