સિક્કિમમાં ભૂસ્ખલનને કારણે 8 લોકોનાં મોત, મિથેન ગેસના વિસ્ફોટ બાદ 27 કામદારો ટનલમાં ફસાયા હતા

ટનલની અંદર મિથેન ગેસ હોવાની આશંકા છે, જેના કારણે બચાવ કામગીરીમાં અવરોધ આવી રહ્યો છે. અહેવાલો અનુસાર, આ ગેસની સંભવિત અસરોને કારણે બચાવ કાર્યમાં જોડાયેલા કેટલાક કર્મચારીઓ બીમાર પડ્યા છે. મિથેન ગેસના વિસ્ફોટ બાદ 27 કામદારો ટનલમાં ફસાયા હતા.

નામચી જિલ્લા વહીવટીતંત્ર NHPCના અધિકારીઓ, SDRF, NDRF, સિક્કિમ પોલીસ, અગ્નિશમન અને કટોકટી સેવાઓ, આરોગ્ય વિભાગ અને અન્ય સંબંધિત વિભાગોના સહયોગથી સતત બચાવ કામગીરી હાથ ધરી રહ્યું છે. SSDMA પરિસ્થિતિ પર નજીકથી નજર રાખી રહ્યું છે.

આ ઘટના સમરડુંગ ટનલ ખાતે બની હતી. ભૂસ્ખલનને કારણે ટનલનો પ્રવેશદ્વાર કાટમાળથી બંધ થઈ ગયો હતો. સત્તાવાળાઓએ જણાવ્યું છે કે સમરડુંગ-મામરિંગ ટનલમાં ફસાયેલા કામદારોને બહાર કાઢવા માટે હાલમાં બચાવ કામગીરી ચાલી રહી છે.