ED એ Us નકલી કોલ સેન્ટર કેસમાં માફિયા વિકાસને ઝડપી લીધો, ગેંગના બીજા સભ્યોની શોધખોળ

ઇડીની તપાસમાં નિમાર દેશના વિવિધ શહેરોમાં કાર્યરત સંગઠિત સાયબર છેતરપિંડી નેટવર્કનો માસ્ટરમાઇન્ડ હતો, જે ટેકનિકલ સપોર્ટ કર્મચારી તરીકે પોતાને રજૂ કરતો હતો અને અમેરિકન નાગરિકોને પોતાની જાળમાં ફસાવતો હતો.

ED ના જણાવ્યાં અનુસાર, આરોપીની સોમવારે ધરપકડ કરવામાં આવી હતી. તેને મંગળવારે કોર્ટમાં રજૂ કરવામાં આવ્યો હતો, જ્યાં કોર્ટે તેને ન્યાયિક કસ્ટડીમાં મોકલ્યો હતો. એજન્સી આ કેસમાં સંડોવાયેલા અન્ય આરોપીઓ, નાણાંકીય વ્યવહારો અને આંતરરાષ્ટ્રીય નેટવર્કની તપાસ કરી રહી છે.

વિકાસ કુમાર નિમારે હૈદરાબાદમાં નકલી કોલ સેન્ટર ચલાવતો હતો અને તેની ટીમ અમેરિકન નાગરિકોને ફોન કરીને ખોટી રીતે ડોલર પડાવતી હતી. ED એ 2023 માં માધાપુર પોલીસ સ્ટેશનમાં નોંધાયેલી FIR ને આધારે પ્રિવેન્શન ઓફ મની લોન્ડરિંગ એક્ટ (PMLA) હેઠળ તપાસ શરૂ કરી હતી. તપાસ દરમિયાન, એજન્સીએ શંકાસ્પદ બેંક ખાતાઓ, વિદેશી ભંડોળ ટ્રાન્સફર અને નાણાંકીય વ્યવહારોનું વિશ્લેષણ કરાતા આ મસમોટું કોભાંડ સામે આવ્યું હતુ. કરોડો રૂપિયાની છેતરપિંડીના આ કેસમાં હજુ કેટલાક આરોપીઓ સામે કાર્યવાહી થઇ શકે છે.