ગુગલની પહેલી સ્માર્ટવોચ Pixel Watch 2 ભારતમાં લોન્ચ, 24 કલાકનો સંપૂર્ણ બેટરી બેકઅપ મળશે, જાણો કિંમત અને ફીચર્સ

Google Watch 2 Launched in India: ગુગલે ભારતમાં તેની પ્રથમ સ્માર્ટવોચ Google Pixel Watch 2 લોન્ચ કરી છે. ગુગલના ચાહકો લાંબા સમયથી પિક્સેલ વોચની રાહ જોઈ રહ્યાં હતા. કંપનીએ તેની મેડ બાય ગુગલ ઇવેન્ટમાં Pixel 8 સિરીઝની સાથે Pixel Buds Pro અને Pixel Watch 2 લૉન્ચ કર્યાં છે. ગુગલે Pixel Watch 2 માં સ્વાસ્થ્ય અને સલામતી સાથે સંબંધિત ઘણા એડવાન્સ ફીચર્સ આપ્યાં છે. Pixel Watch 2માં યુઝર્સને 2GB RAM અને Snapdragon W5+ Gen 1 પ્રોસેસર આપવામાં આવ્યું છે.

ગુગલે તેની નવી પિક્સેલ વોચની ડિઝાઈનમાં વધુ ફેરફાર કર્યાં નથી.તે જુની Pixel વોચ જેવી જ લાગે છે પરંતુ આ વખતે ફીચર્સમાં ઘણા મોટા ફેરફાર કરવામાં આવ્યાં છે. ગુગલે Pixel Watch 2 માં રિસાયકલ કરેલ એલ્યુમિનિયમનો ઉપયોગ કર્યો છે. આજના વ્યસ્ત જીવનને ધ્યાનમાં રાખીને કંપનીએ Pixel Watch 2 માં સ્ટ્રેસ કાઉન્ટ ફીચર પણ આપ્યું છે. આ સુવિધા અત્યાર સુધી બજારમાં ઉપલબ્ધ કોઈપણ સ્માર્ટવોચમાં નથી.

Pixel Watch 2માં અદ્ભુત ફીચર્સ છે

વપરાશકર્તાઓ Pixel Watch 2 માં તેમની શારીરિક તંદુરસ્તીને સતત ટ્રેક કરી શકે છે. ગુગલે તેની Pixel Watch 2માં Fitbit એપ પણ આપી છે, જેની મદદથી યુઝર્સને સ્ટેપ્સ, કેલરી બર્ન કરવાની ગણતરી કરવાની સુવિધા પણ મળશે. હેલ્થ મોનિટરિંગ માટે, ગૂગલે બોડી રિસ્પોન્સ સેન્સર, હાર્ટ રેટિંગ સેન્સર, એવા સેન્સર આપ્યા છે જે ત્વચાનું તાપમાન માપે છે. કંપનીએ આ સ્માર્ટવોચમાં પર્સનલ આર્ટિફિશિયલ આસિસ્ટન્સની સુવિધા પણ આપી છે. તેને ધૂળ અને પાણીથી બચાવવા માટે IP68 રેટિંગ પણ આપવામાં આવ્યું છે.

કંપનીએ ઝડપી પ્રોસેસર આપ્યું છે

ગુગલે પિક્સેલ વોચ 2ને બે કલર વેરિઅન્ટ, સ્કાય બ્લુ અને સિલ્વર સાથે લોન્ચ કર્યું છે. તેમાં ઝડપી પ્રોસેસિંગ માટે ઝડપી ક્વાડ-કોર પ્રોસેસર છે. ગુગલે તેમાં ફાસ્ટ ચાર્જિંગને પણ સપોર્ટ કર્યું છે. કંપનીનો દાવો છે કે જો તેને એકવાર ફુલ ચાર્જ કરવામાં આવે અને તમામ ફીચર્સનો ઉપયોગ કરવામાં આવે તો તે સંપૂર્ણ 24 કલાકનો બેટરી બેકઅપ આપશે. યુઝર્સને જીમેલ, મેપ અને કેલેન્ડર જેવી એપ્સ માટે પણ સપોર્ટ મળશે. ગુગલે ભારતમાં 39,900 રૂપિયામાં Pixel Watch 2 લોન્ચ કરી છે.