સેન્ટ્રલ GST અધિકારી રૂ. 8 લાખની લાંચ લેતા રંગે હાથે ઝડપાયા, સામે આવ્યો VIDEO

વીડિયોમાં, એક શખ્સ અધિકારીને ગુલાબી રંગની બેગ આપતો જોઈ શકાય છે. બેગની અંદર, 500 રૂપિયાની નોટોના બંડલ દેખાય છે. તેમની સામે બેઠેલા અધિકારી તે માટે બંડલ ગણી રહ્યાં છે. આ બધું કેમેરામાં કેદ થયું હતું.

આ સેન્ટ્રલ GST સુપરિન્ટેન્ડેન્ટ એક ઉદ્યોગપતિ પાસેથી તેમની સામેની ફરિયાદ બંધ કરવાના બદલામાં રૂ. 8 લાખ લાંચ તરીકે સ્વીકારી રહ્યાં હતા. આરોપી અધિકારીની ઓળખ મોહિત પ્રતાપ સિંહ, સેન્ટ્રલ GST, સાઉથ ડિવિઝન- 4, સાઉથ કમિશનરેટના સુપરિન્ટેન્ડેન્ટ તરીકે થઈ છે.

લોકાયુક્તના જણાવ્યાં અનુસાર, મોહિત સિંહે સૈયદ ઝમીર પાસેથી પેન્ડિંગ સેન્ટ્રલ GST કેસ અને તેમની સામે દાખલ કરાયેલી કથિત ખોટી ફરિયાદ બંધ કરવા માટે 8 લાખ રૂપિયા લાંચ માંગી હતી. આ કેસમાં સલમાન શેખ નામના વ્યક્તિએ વચેટિયા તરીકે કામ કર્યું હતું. આ કેસમાં તેના પર પણ આરોપ મૂકવામાં આવ્યો છે.

કોરમંગલાના સેન્ટ્રલ હાઉસ ખાતે સુપરિન્ટેન્ડેન્ટના ચેમ્બરમાં લાંચના પૈસા સ્વીકારતા હતા.લોકાયુક્ત ટીમને બાતમી મળી હતી અને તેમણે છટકું ગોઠવ્યું અને અધિકારીને લાંચ સ્વીકારતા રંગે હાથે પકડી લીધા હતા. ભ્રષ્ટાચાર નિવારણ અધિનિયમ, 1988 (2018 માં સુધારેલ) ની કલમ 7A હેઠળ તેમની સામે કેસ નોંધવામાં આવ્યો છે અને વધુ તપાસ ચાલુ છે.

GST officer caught on cam accepting 8 lakh bribe. Central GST Superintendent Mohit Pratap Singh caught by Bengaluru Lokayukta while allegedly accepting an ₹8 lakh bribe to close a complaint against in a pending GST matter. He was working at Kendriya Sadan, Koramangala. https://t.co/Ze4MlpfKEJ

— Deepak Bopanna (@dpkBopanna) September 17, 2026