જગદીશ વિશ્વકર્મા સામે જોરદાર આક્રોશ, સાંસદ ગેનીબેનના સાડીના પાલવ વાળા નિવેદન માટે માફી માંગો

સંમેલનમાં સંબોધન કરતા જગદીશ વિશ્વકર્માએ કોંગ્રેસના સાંસદ ગેનીબેન ઠાકોર અને વડગામના ધારાસભ્ય જીગ્નેશ મેવાણી પર સીધું નિશાન સાધ્યું હતું. તેમણે ગેનીબેન પર પ્રહાર કરતા કહ્યું કે, બનાસની બહેન, તમે લોકસભામાં જઈને નારી વંદના અધિનિયમનો વિરોધ કરીને દેશની બહેનોનું અપમાન કર્યું છે. તેનો જ જવાબ આપતા આ વખતે અમારી બહેનોએ તમારા ગઢમાંથી સીટો તમારા સાડીના પાલવમાંથી આંચકી લીધી છે.

ભાજપ પ્રદેશ પ્રમુખ જગદીશ વિશ્વકર્માએ વડગામના ધારાસભ્ય જીગ્નેશ મેવાણી ઉપર પણ કટાક્ષ કર્યો હતો, તેમણે કહ્યું કે વડગામમાં પણ ભાજપે જીત મેળવી છે, જ્યારે વિધાનસભાની ચૂંટણીમાં પણ વાવ અને થરાદ જેવી બેઠકો કોંગ્રેસ પાસેથી ભાજપે કબ્જે કરી લીધી હતી. 

બનાસની ધરતી પર ગુંજ્યો ભવ્ય વિજયનાદ!

સ્થાનિક સ્વરાજ્યની ચૂંટણીમાં ભારતીય જનતા પાર્ટીના ઐતિહાસિક વિજય બાદ આજે બનાસકાંઠા જિલ્લા કાર્યાલય ખાતે આયોજિત 'બનાસ વિજયોત્સવ'માં પ્રદેશ અધ્યક્ષ શ્રી @iJagdishBJP એ કર્મઠ કાર્યકર્તાઓનું અભિવાદન કર્યું અને સૌને અભિનંદન પાઠવ્યા.

આ વિજય એ… pic.twitter.com/pURLfOeMaf

— BJP Gujarat (@BJP4Gujarat)

જગદીશ વિશ્વકર્માના સાડીના પાલવ વાળા નિવેદન બાદ ઠાકોર સમાજ અને સ્થાનિક લોકોમાં ભારે રોષ જોવા મળી રહ્યો છે. થરાદમાં યોજાયેલા એક સમૂહ લગ્નમાં ઋષિ ભારતી બાપુએ આ નિવેદનની આકરી ટીકા કરી હતી. તેમણે મંચ પરથી હુંકાર કરતા જણાવ્યું હતું કે, રાજકીય પક્ષના પ્રમુખોને શું બોલવું તેનું ભાન નથી. નારીના પાલવ સુધી વાત કરવી એ અભદ્ર વ્યવહાર અને માતૃશક્તિનું અપમાન છે. તેમણે સમગ્ર સમાજને આ અપમાન સામે વિરોધ પ્રદર્શિત કરવા અપીલ પણ કરી છે.

એક તરફ ભાજપ બનાસકાંઠામાં પોતાની પકડ મજબૂત કરી હોવાનો દાવો કરી રહ્યું છે, બીજી તરફ પ્રદેશ પ્રમુખના આ વિવાદિત નિવેદને આગામી સમયમાં ભાજપ માટે મુશ્કેલીઓ ઊભી કરશે તે ચોક્કસ છે.

ટ્વીટ જુઓ ↗