મહારાષ્ટ્રના સોલાપુરમાં ભયાનક અકસ્માત, ગાડી રોડ પાસેના કૂવામાં ખાબકતા 14 શ્રદ્ધાળુઓનાં મોત

મૃતકો પંઢરપુરના રંજની ગામના રહેવાસી હોવાનું સામે આવ્યું છે. શ્રદ્ધાળુઓ મ્હાસવાડમાં સિદ્ધનાથના દર્શન કરવા માટે ગયા હતા. દર્શન કરીને જ્યારે તેઓ પિકઅપ ગાડીમાં પરત ફરી રહ્યા હતા, ત્યારે તાંડુવાડી ગામ પાસે આ અકસ્માત નડ્યો હતો. અકસ્માતની જાણ થતાં જ ઘટનાસ્થળે સ્થાનિક લોકોના મોટા ટોળા ઉમટી પડ્યાં હતા અને પોલીસનો કાફલો, મેડિકલની ટીમો આવી પહોંચી હતી.

ડ્રાઇવરે સ્ટેયરિંગ પરથી કાબૂ ગુમાવતા આ અકસ્માત થયો હતો. રસ્તાની બિલકુલ કિનારે આવેલો આ કૂવો પાણીથી ભરેલો હતો અને તેની આસપાસ કોઈ સુરક્ષા રેલિંગ પણ ન હતી. જેથી ગાડી કૂવામાં પડી હતી.