અમેરિકામાં ભયાનક માર્ગ અકસ્માતમાં ભારતીય પરિવારનાં ત્રણ સભ્યોનાં મોત, કારના ફૂરચે ફૂરચા ઉડી ગયા

આ અકસ્માત સોમવારે થયો હતો, જ્યારે પરિવારનું વાહન અન્ય એક વાહન સાથે અથડાયું હતું. મૃતકોની ઓળખ નાઝિયા સલમા તથા તેમની પુત્રી અને પુત્ર તરીકે થઇ છે. જ્યારે નાઝિયાના પતિ શેખ નવીદ અને તેમની નાની પુત્રીને ગંભીર ઈજાઓ પહોંચી છે અને તેમને હોસ્પિટલમાં દાખલ કરવામાં આવ્યાં છે.

શેખ નવીદ લગભગ 10 વર્ષ પહેલાં હૈદરાબાદના સઈદાબાદથી અમેરિકા ગયા હતા અને અહીં કામ કરતા હતા. આ અકસ્માત ત્યારે થયો જ્યારે તેઓ તેમના પરિવાર સાથે મુસાફરી કરી રહ્યાં હતા.

નવીદના પિતા, શેખ અબ્દુલ સઈદે જણાવ્યું કે જ્યારે તેમણે તેમના પુત્રનો સંપર્ક કરવાનો પ્રયાસ કર્યો ત્યારે તેમને અમેરિકન પોલીસ પાસેથી અકસ્માત વિશે જાણ થઈ હતી. તેમણે વિદેશ મંત્રી એસ. જયશંકરને વિનંતી કરી છે કે તેઓ પરિવારના અન્ય સભ્યોને તાત્કાલિક વિઝા (ઇમરજન્સી વિઝા) આપે જેથી તેઓ અમેરિકા જઈ શકે.